Алессандро Альтобелли

Уикипедия — ашық энциклопедиясынан алынған мәлімет
Навигацияға өту Іздеуге өту
Алессандро Альтобелли Футбол
сурет
Жалпы мағлұмат
Лақап аттары

Ине (Spillo)

Туған күні

28 қараша 1955 (1955-11-28) (68 жас)

Туған жері

Соннино, Италия

Азаматтығы

Италия

Бойы

181

Позиция

шабуылшы

Клуб жайлы ақпарат
Клуб

карьерасын аяқтады

Жастар клубы
Италия Латина
Клуб карьерасы[* 1]
1973—1974 Италия Латина 28 (7)
1974—1977 Италия Брешиа 76 (26)
1977—1988 Италия Интернационале 317 (128)
1988—1989 Италия Ювентус 20 (4)
1989—1990 Италия Брешиа 32 (7)
Ұлттық құрамы[* 2]
1979—1980 Италия Италия-21 2 (2)
1980 Италия Италия (олимп.) 3 (3)
1980—1988  Италия 61 (25)
1995—1996 Италия Италия (жағажай футболы.) ? (?)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Алессандро Альтобелли (итал. Alessandro Altobelli, 28 қараша 1955 жыл, Соннино, Латина, Италия) — италиялық футболшы, шабуылшы. "Интер", "Ювентус", Брешиа", "Латина" клубтарында және Италия құрамасының шабуыл шебінде ойнаған.

Карьерасы[өңдеу | қайнарын өңдеу]

Карьерасының басым бөлігі Миланның "Интерінде" өтті. 11 маусым үздіксіз клуб сапында ойнап, жүзден аса гол соқты. Ұлттық құрамаға алғаш рет осы "Интерде" ойнап жүріп шақырылды. Құрамадағы алғашқы ойынын 1980 жылы 11 маусымда Италияда өткен Еуропа чемпионатының топтық турнирінде Бельгияға қарсы өткізді. Бұл чемпионатта құрама чемпион болу мақсатына жете алмады, бірақ екі жылдан соң Испанияда өткен әлем чемпионатында чемпион атанды. Бұл турнирде Альтобелли үнемі ойынға тыңнан қосылып отырса да жақсы ойнады, финалдағы ГФР-мен матчта жарақат алған Францеско Грацианидің орнына алаңға шығып, бір гол соқты.

1986 жылғы әлем чемпионатында Альтобелли 4 кездесуде бес гол соқты. Бірақ құрама 1/8 финалдан аса алмады. 1988 жылғы Еуропа чемпионатында Альтобелли құрама капитаны болды, бірақ бір рет қана қарсылас қақпасын дәл көздей алды. Құрама бұл жолы жартылай финалдан аса алмады.

1989 жылы "Брешиаға" қайта оралды (1974-77 жылдары осы клубта ойнап, "Интерге" ауысқан болатын). Бір маусым ойнап, 1990 жылғы әлем чемпионатына баратындар тізіміне қосыла алмаған соң, әлем чемпионатының алдында карьерасын тәмамдады.

1995 жылы Жағажай футболынан Италия құрамасы сапында ойнап, әлем чемпионатында төртінші орын алды, келесі жылы үшінші орынға табан тіреді.

Ұлы да футболшы[өңдеу | қайнарын өңдеу]

Ұлы Маттиас Альтобелли де футболшы, "Интердің" жастар клубында ойнаған. Қазір Италияның үшінші дивизионындағы "Лекко" командасында доп тебеді.

Жетістіктері[өңдеу | қайнарын өңдеу]

  • Әлем чемпионы — 1982
  • Италия чемпионы — 1979/80
  • Италия кубогы — 1977/78, 1981/82

Сілтемелер[өңдеу | қайнарын өңдеу]