Италия Ұлттық футбол құрамасы

Уикипедия — ашық энциклопедиясынан алынған мәлімет
Навигацияға өту Іздеуге өту
Италия Ұлттық футбол құрамасы
Логотип
Лақап аты

Squadra Azzurra (Көгілдір көкжалдар)

Конфедерация

УЕФА

Федерация

Итальян футбол федерациясы

Бас бапкері

Италия Роберто Манчини

Капитаны

Джорджо Кьеллини

Ең көп
ойын саны

Джанлуиджи Буффон (176)

Үздік
бомбардир

Джиджи Рива (35)

ФИФА рейтингі

16 (12. 04. 2018)

ФИФА коды

ITA

Формасы
Форма
Негізгі
форма
Форма
Қонақтық
форма
Форма
Резервтік

Италия Италия 6 — 2 Франция Франция
(Милан, Италия; 15 мамыр 1910 жыл)

Италия Италия 9 - 0 Америка Құрама Штаттары АҚШ
(Брэнтфорд, Англия; 2 тамыз 1948 жыл)

Мажарстан Мажарстан 7 - 1 Италия Италия
(Будапешт, Мажарстан; 6 сәуір 1924 жыл)

Қатысу

17 (бірінші 1934)

Жетістіктері

Чемпиондар, 1934, 1938, 1982, 2006

Еуропа чемпионаты
Қатысу

9 (бірінші 1968)

Жетістіктері

Чемпиондар, 1968, 2020

Италия Ұлттық футбол құрама командасы (итал. Nazionale di calcio dell'Italia) Италияны халықаралық матчтар мен футболдан турнирлерде ұсынады. Елдегі футбол ұйымының негізгі басқарушысы Итальян футбол федерациясының қол астында бақылауда болады. Федерация 1905 жылдан бастап ФИФА мүшесі болса, 1954 жылдан бастап УЕФА мүшесі болып табылады.

Тарихы[өңдеу | қайнарын өңдеу]

1982 жылғы әлем чемпионатында

Ұлттық құраманың алғашқы матчы 1910 жылы 15 мамырда Милан қаласында Францияға қарсы өткізілді. Ойын 6:2 есебімен италиялықтардың пайдасына шешілді. 1928 жылы тұңғыш рет Жазғы Олимпиада (Ойындар Амстердамда өтті) чемпионы атанды. Бұл табысын сегіз жылдан соң Берлинде тағы қайталады.

Құрама 1930 жылғы тұңғыш әлемдік мундиальға жолды алыссынып қатыспады. Ал, 1934 жылы белгілі диктатор Бенито Муссолинидің араласуымен Әлем Чемпионаты Италияда өтті. Бір қызығы, турнир қожайыны болса да, іріктеу ойындарына қатысып, Грекияны 4:0 есебімен ұтты да, финалдық турнирге жолдама алды. Әйгілі аңыз-бапкер Витторио Поццо баптаған құрама финалда Чехословакия құрамасын 2:1 есебімен ұтып, алтын жүлдеге қол жеткізді.

Арада төрт жыл өткен соң тағы сол Витторио Поццо жаттықтырған құрама екінші рет әлем чемпионы атанды. Бұл жолғы турнир Францияда өтті. Бұл жолғы жүлде оңайға түспеді: ә дегеннен оларға Норвегия футболшылары қатты қарсылық көрсетіп, қосымша уақытта әзер ұтты, келесі қарсылас — алаң иелері Франция болатын. Оларды да 3:1 есебімен ұтып, жартылай финалда турнирдің жалғыз "еуропалық емес" қатысушысы Бразилиямен кездесті. 2:1 есебімен жеңіске жеткен италиялықтар финалда Венгрия құрамасын ұтты — 4:2. Осылайша тарихта қатарынан екі рет әлемдік додада топ жарған тұңғыш құрама атанды. Кейін бұл жетістікті 1958-62 жылдары Бразилия қайталады.

Бұдан кейінгі әлемдік турнир 1950 жылы өтті. Бірақ бұл жолы да, бұдан кейінгі чемпионаттарда да Италия құрамасы жарқырай алмады. Тек жетпісінші жылдары ғана әлемдік элитаға қайта көтеріле алды. 1968 жылғы Еуропа чемпионатында алтын жүлдеге қол жеткізді. Арада екі жыл өткен соң Мексикадағы Әлем чемпионатында финалға шығып, Бразилиядан 1:4 есебімен ойсырай ұтылды.

1974 жылғы турнирде топтық турнирден шыға алмады. 1978 жылы үшінші орын үшін таласта тағы да Бразилиядан 1:2 есебімен ұтылып қалды. Бірақ 1982 жылғы чемпионатта Бразилиядан есе қайырып, оларды жартылай финалға барар жолда 3:2 есебімен тізе бүктірді. Бұл ойында осыған дейінгі матчтарда бір гол да соқпаған Паоло Росси хет-трик жасады. Паоло Росси Польшамен өткен жартылай финалдық матчта да екі гол соқты, сосын финалда Германияның қақпасын дәл көздеп, есеп ашты. Осылайша ол Италия үшін қатарынан алты гол соғып, чемпионаттың сұрмергені атанды. Финалда 3:1 есебімен ұтқан Италия үшінші рет әлем чемпионы атанды.

Араға 24 жыл салып, осы жетістігін қайталады. 2006 жылы Германияда өткен чемпионатта тек екі матчта ғана тең ойнап, қалған ойындарда түгел жеңіске жетті.

2012 жылғы Еуропа чемпионатында финалға дейін жетіп, Испаниядан 0:4 есебімен ойсырай ұтылып қалды.

2014 жылғы әлем чемпионатында топтан шыға алмады, ал 2018 жылғы әлем чемпионатына жолдама беретін шешуші матчта Швециядан өте алмай, 1958 жылдан бері бірінші рет Әлемдік додадан сырт қалды.

Қызықты фактілер[өңдеу | қайнарын өңдеу]

1974-1990 жылдары қатарынан бес Әлем чемпионатында Аргентина құрамасымен кездескен.

Ит жылдары өткізілген Әлем Чемпионаттарында тек Италия мен Бразилия чемпион атанып келген: 1934, 1958, 1970, 1982, 1994, 2006. Бұл дәстүр 2018 жылы ғана бұзылды.

Атақты футболшылары[өңдеу | қайнарын өңдеу]

Жетістіктері[өңдеу | қайнарын өңдеу]

  • Әлем чемпионы: 1934, 1938, 1982, 2006
  • Әлемнің күміс жүлдегері: 1970, 1994
  • Әлемнің қола жүлдегері: 1990
  • Еуропа чемпионы: 1968, 2021
  • Еуропаның қола жүлдегері: 2000, 2012
  • Олимпиада чемпионы: 1936
  • Олмипиаданың қола жүлдегері: 1928, 2004
  • Конфедерациялар кубогының қола жүлдегері: 2013

Ойыншылар[өңдеу | қайнарын өңдеу]

Қазіргі құрам[өңдеу | қайнарын өңдеу]

Футболдан 2020 жылғы Еуропа біріншілігіне келесі 26 ойыншы таңдалды[1].

Қақпашылар Туған күні Клубы
1 Сальваторе Сиригу 12 қаңтар 1987 Италия Торино
21 Джанлуиджи Доннарумма 25 ақпан 1999 Италия Милан
26 Алекс Мерет 22 наурыз 1997 Италия Наполи
Қорғаушылар Туған күні Клубы
2 Джованни Ди Лоренцо 4 тамыз 1993 Италия Наполи
3 Джорджо Кьеллини Команда капитаны 14 тамыз 1984 Италия Ювентус
4 Леонардо Спинаццола 25 наурыз 1993 Италия Рома
13 Эмерсон Палмери 3 тамыз 1994 Англия Челси
15 Франческо Ачерби 10 ақпан 1988 Италия Лацио
19 Леонардо Бонуччи 1 мамыр 1987 Италия Ювентус
23 Алессандро Бастони 13 сәуір 1999 Италия Интернационале
24 Алессандро Флоренци 11 наурыз 1991 Франция Пари Сен-Жермен
25 Рафаэл Толой 10 қазан 1990 Италия Аталанта
Жартылай қорғаушылар Туған күні Клубы
5 Мануэль Локателли 8 қаңтар 1998 Италия Сассуоло
6 Марко Верратти 5 қазан 1992 Франция Пари Сен-Жермен
7 Гаэтано Кастровилли 17 ақпан 1997 Италия Фиорентина
8 Жоржиньо 20 желтоқсан 1991 Англия Челси
12 Маттео Пессина 21 сәуір 1997 Италия Аталанта
16 Бриан Кристанте 3 наурыз 1995 Италия Рома
18 Николо Барелла 7 ақпан 1997 Италия Интернационале
Шабуылшылар Туған күні Клубы
9 Андреа Белотти 20 желтоқсан 1993 Италия Торино
10 Лоренцо Инсинье 4 маусым 1991 Италия Наполи
11 Доменико Берарди 1 тамыз 1994 Италия Сассуоло
14 Федерико Кьеза 25 қазан 1997 Италия Ювентус
17 Чиро Иммобиле 20 ақпан 1990 Италия Лацио
20 Федерико Бернардески 16 ақпан 1994 Италия Ювентус
22 Джакомо Распадори 18 ақпан 2000 Италия Сассуоло

Жеке рекордтар[өңдеу | қайнарын өңдеу]

Ойыншылардың рекордтары[өңдеу | қайнарын өңдеу]

Көп матч өткізген ойыншылар[өңдеу | қайнарын өңдеу]

Джанлуиджи Буффон - Италия тарихындағы 176 матчпен ең көп қақпада тұрған ойыншы.

2021 жылғы 20 маусымдағы жағдай бойынша Италия құрамасында ең көп ойын көрсеткен ойыншылар:[2]

# Аты-жөні Ойын Гол Жылдар
1 Джанлуиджи Буффон 176 0 1997–2018
2 Фабио Каннаваро 136 2 1997–2010
3 Паоло Мальдини 126 7 1988–2002
4 Даниэле де Росси 117 21 2004–2017
5 Андреа Пирло 116 13 2002–2015
6 Дино Дзофф 112 0 1968–1983
7 Джорджо Кьеллини 109 8 2004–қазіргі уақытқа дейін
8 Леонардо Бонуччи 105 7 2010–қазіргі уақытқа дейін
9 Джанлука Дзамбротта 98 2 1999–2010
10 Джачинто Факкетти 94 3 1963–1977

Қарамен жазылған ойыншылар ұлттық футбол құрамасында әлі де белсенді.

Мергендер[өңдеу | қайнарын өңдеу]

Луиджи Рива — Италия тарихындағы ең үздік сұрмерген — 35 гол.

2021 жылғы 11 маусымдағы жағдай бойынша Италия құрамасында ең көп гол соққан ойыншылар:[3]

# Ойыншы Гол Ойын Арақатынас Кезең
1 Луиджи Рива 35 42 0.83 1965–1974
2 Джузеппе Меацца 33 53 0.62 1930–1939
3 Сильвио Пиола 30 34 0.88 1935–1952
4 Роберто Баджо 27 56 0.48 1988–2004
Алессандро Дель Пьеро 91 0.3 1995–2008
6 Адольфо Балончери 25 47 0.53 1920–1930
Филиппо Индзаги 57 0.44 1997–2007
Алессандро Альтобелли 61 0.41 1980–1988
9 Кристиан Вьери 23 49 0.47 1997–2005
Франческо Грациани 64 0.36 1975–1983

Қарамен жазылған ойыншылар ұлттық футбол құрамада әлі де белсенді.

Сілтемелер[өңдеу | қайнарын өңдеу]

Италия құрамасының 1910 жылдан бергі матчтары(қолжетпейтін сілтеме)

Дереккөздер[өңдеу | қайнарын өңдеу]