Джанлуиджи Буффон

Уикипедия — ашық энциклопедиясынан алынған мәлімет
Jump to navigation Jump to search
Джанлуиджи БуффонФутбол
Gianluigi Buffon (2014).jpg
Жалпы мағлұмат
Толық аты Джанлуиджи Буффон Масокко
Лақап аты Супермен (итал. Superman)
Джиджи (итал. Gigi)
Эль-Буфф (итал. El Buff)
Туған күні 28 қаңтар 1978(1978-01-28) (41 жас)
Каррара, Италия
Азаматтығы Италия Италия
Бойы 191
Салмағы 92
Позиция қақпашы
Клуб жайлы ақпарат
Клуб карьерасын аяқтады
Карьера
Жастар клубы
1984—1986 Италия Каналетто Сепор
1986—1990 Италия Пертиката
1990—1991 Италия Бонаскола
1991—1995 Италия Парма
Клуб карьерасы*
1995—2001 Италия Парма 168 (-159)
2001—2018 Италия Ювентус 470 (-357)
2018—2019 Франция Пари Сен-Жермен 17 (-17)
2019— Италия Ювентус 2 (-1)
Ұлттық құрамы**
1993—1994 Италия Италия-16 3 (-2)
1993—1994 Италия Италия-17 3 (-1)
1994—1995 Италия Италия-18 3 (-1)
1995—1997 Италия Италия-21 11 (-7)
1997 Италия Италия-23 4 (-1)
1996 Италия Италия (олимп.) 0 (0)
1997—2018 Италия Италия 176 (-140)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Джанлуиджи Буффон (28 қаңтар 1978 жыл, Каррара, Италия) — Италиялық футболшы, қақпашы. 2006 жылғы әлем чемпионы.

Карьерасы[өңдеу]

Парма[өңдеу]

Буффон А Сериясында алғашқы ойнын 17 жасында «Парма» сапында 1995 жылы «Миланға» қарсы өткізеді. «Пармадағы» шағында ол үшін ең жарқын 1998/99 маусымын есептеуге болады. Сол уақытта Джиджи командасына Италия Кубогы, ұлттық Суперкубок пен УЕФА Кубогы бағынады. Осы командада намысын 168 рет қорғап, 2001 жылы туриндік «Ювентуске» ауысады. Қақпашылар үшін рекордтық 52 млн. еуроны құраған бұл трансфер дүниені дүр сілкіндірген еді. Өзінің «Делле Альпидегі» тұңғыш маусымында «Ювентус» чемпион атанып, Буффон 34 кездесуде 23 қана гол жіберіп, Италия біріншілігіндегі үздік көрсеткішке қол жеткізді. Келесі маусымда «Юве» кезекті «скудеттосын» ұтып, Чемпиондар Лигасының финалында туриндіктерге тек «ескі достары» - «Милан» ғана шешуші бөгет болады.

2006 жыл - жеңістер мен қиындықтар жылы[өңдеу]

2005 жылдың тамызында дәл сол «Миланмен» болған кездесуде Какамен соқтысудан соң, Буффон иығынан жарақаттанады. Күрделі операциядан кейін ойынға оралған Джанлуиджи екі ойын өткізіп, қайтадан жарақатқа душар болады да, тек маусымның аяғына таман негізгі құрамға оралады. 2006 жылы итальяндық футболда келісілген ойындарға байланысты ірі дау көтерілген болатын. Соған орай Буффон бұл істерде қатысы бар адам ретінде саналған еді. Сол себепті оның Әлем чемпионатына бармау қаупі пайда болды. Бірақ, олар расталмай, Джиджи Германияда «скуадра адзурра» сапында әлем чемпионы атанады. 27 маусымда сот ойыншыдан барлық кінәларды алып, Буффонды ақтап шығарды. Алайда 2006 жылғы ыстық жаз кезіндегі «Ювентус» және басқа қатысушылары бар дау туриндіктер үшін із-түзсіз кетпеді. Екі бірдей «скудеттосынан» айырылғаннан кейін олар В Сериясына қуылады. Клуб ойыншылардың төменгі дивизионда ойнайтыны яки ойнамайтыны жайындағы өсек-аяндар тарала бастады. Бірақ, Джанлуиджи «қарт синьораға» адалдығын танытып, командаға элитаға қайтып келуіне көмектеседі. Оның «Ювемен» жаңа келісім-шарты 2012 жылға дейін жалғасатынын есептесек, туриндіктерге өз қақпаларының қауіпсіздігі жайында уайымдамауға болады.

Пальюка мен Тольдоның көлеңкесінде[өңдеу]

Буффонның Италия құрамасындағы мансабы 1998 жылғы Франциядағы Әлем чемпионатына іріктеу кезеңінен бастау алады. 1997 жылы Ресеймен өткен плей-офф кездесуінде «скуадра адзурра» сапында тұңғыш шыққан ол келесі жылы құрамасымен бірге Францияға аттанады. Бірақ, ардагер Джанлука Пальюка қорғаған итальяндықтар қақпасында оған орын табылмады. Келесі ірі турнир – Еуро-2000 додасына дейін ол апенниндіктердің №1 қақпашы орнында беки түседі. Алайда, өкінішке орай жарақат алауына байланысты Голландия мен Бельгияға бармайды. Ол жерде тағы бір шебер қақпашы Франческо Тольдоның бағы жанып, ол турнирдің жартылай финалында аңызға айналған «пенальти шоуда» итальяндықтарды жалғыз өзі финалға жетелейді.

Ювентус[өңдеу]

Буффон ұзақ жылдар бойы "Ювентуста" ойнады. Туриндің клубта өткен 17 жылдық карьерасында 11 рет Италия чемпиондығына қол жеткізді, үш рет УЕФА Чемпиондар Лигасының финалына шықты. Бірақ Еуропадағы басты турнирде топ жару Буффонға бұйырмапты, үшеуінде де ұтылды. 2006 жылы жазда "Ювентус" жемқорлыққа араласты деген себеппен А сериясынан түсіп қалғанда көптеген футболшылар төменгі лигада ойнағысы келмей, командадан кетті. Буффон болса, "команданы қиын сәтте тастап кетуге болмайды" деп, не де болса барлығын клубпен көруге шешім қабылдады да, клуб жанкүйерлерінің сүйіктісіне айналды.

2018 жылы 19 мамырда "Ювентус" өз алаңында "Веронаны" қабылдады. Буффон өз ғұмырында соңғы рет кәсіпқой футболшы ретінде алаңға шықты да, 60-минутта стадион толы көрермендердің қошаметімен алмастырылды.

Пари Сен-Жермен[өңдеу]

2018 жылы 6 шілдеде ПСЖ клубымен бір жылдық келісім шарт жасасты. Париждіктердің қақпашысы Кевин Трапп Буффонға 1-нөмірді сыйға тартты.

2018/19 жылғы маусымнан соң командадан кетті.

Италияға оралу[өңдеу]

2019 жылы 4 шілдеде араға бір маусым салып, "Ювентусқа" оралды. "Ювенің" негізгі қақпашысы Войцех Щенсны 1-нөмірлі футболканы ұсынғанына қарамастан, Буффон 77-нөмірді таңдады.

Жетістіктері[өңдеу]

Командалық[өңдеу]

«Парма»
  • Италия кубогы: 1998/99
  • Италия суперкубогы: 1999
  • УЕФА кубогы: 1998/99
«Ювентус»
  • Италия чемпионы (11): 2001/02, 2002/03, 2004/05, 2005/06, 2011/12, 2012/13, 2013/14, 2014/15, 2015/16, 2016/17, 2017/18
  • B сериясының чемпионы: 2006/07
  • Италия кубогы (4): 2014/15, 2015/16, 2016/17, 2017/18
  • Италия суперкубогы (5): 2002, 2003, 2012, 2013, 2015
  • УЕФА чемпиондар Лигасының финалисі (3): 2002/03, 2014/15, 2016/17
«Пари Сен-Жермен»
  • Франция чемпионы: 2018/19
  • Франция суперкубогы: 2018

Италия құрамасы

  • Әлем чемпионы: 2006
  • Еуропа вице-чемпионы: 2012
  • Конфедерациялар кубогының қола жүлдегері: 2013
  • Жастар арасындағы Еуропа чемпионы: 1996

Жеке[өңдеу]

  • Италияның жыл қақпашысы (Оскар дель Кальчо) (12): 1999, 2001, 2002, 2003, 2005, 2006, 2008, 2012, 2014, 2015, 2016, 2017
  • Италиядағы жыл футболшысы (1): 2017
  • Лучший вратарь мира по версии МФФИИС (5): 2003, 2004, 2006, 2007, 2017
  • УЕФА версиясы бойынша Еуропаның үздік қақпашысы (3): 2003, 2016, 2017
  • Чемпиондар Лигасының үздік қақпашысы (3): 2003, 2006, 2017
  • Әлем чемпионатының үздік қақпашысы: 2006
  • ФИФА 100