Леонардо Бонуччи

Уикипедия — ашық энциклопедиясынан алынған мәлімет
Jump to navigation Jump to search
Леонардо Бонуччи. 2014–15.

Леонардо Бонуччи (итал. Leonardo Bonucci; 1 мамыр 1987 жыл, Витербо, Лацио) — италиялық футболшы, "Милан" футбол клубының орталық қорғаушысы. 2010 жылдан бері Италия құрамасында өнер көрсетеді.

Клубтық карьера[өңдеу]

Бонуччи "Витербезе" клубының түлегі. 2005 жылы 18 жасында "Интер" клубы жалға алады. Тек маусымның соңында ғана, 2006 жылы 14 мамыр күні негізгі құрамда ойнауға мүмкіндік алады. "Кальяримен" болған ойынның 90-минутында Сантьяго Соларидың орнына алаңға шығады. 2007-2010 жылдар аралығында "Тревиза", "Пиза", "Дженоа", "Бари" секілді командаларда ойнап, шеберлігін шыңдайды да, 2010 жылы "Ювентусқа" өтіп, бес жылдық келісім шарт жасасады. «Ювентуста» жеті жыл бойы 319 матч өткізіп, 19 гол соғады.

2017 жылы жазда "Миланға" ауысады. Қазір ол миландық клубтың капитаны.

Ұлттық құрама[өңдеу]

ЕУРО-2012 финалы. Бонуччи мен Сеск Фабрегас

2010 жылы 3 наурызда Камерун құрамасымен болған жолдастық кездесуде тұңғыш рет ұлттық құрама жейдесімен алаңға шықты. 2010 жылы Оңтүстік Африкада өткен әлем чемпионатына барғанымен, бір матчта да алаңға шықпады. Арада екі жыл өткен соң ЕУРО — 2012 чемпионатында алты ойынның бесеуінде алаңға шығады. Италия финалда 0:4 есебімен Испаниядан ұтылып қалды.

Арада бір жыл өткен соң Бразилиядағы Конфедерациялар кубогына қатысты. Жартылай финалда Испаниямен ойында пенальтилер сериясындағы Бонуччи қателесті де, Италия финалға шыға алмай қалды. Үшінші орын үшін Уругваймен өткен матчта да қос құрама пенальтилер арқылы жеңімпазды анықтауға мәжбүр болды. Бірақ бұл жолы Бонуччи пенальти тебуден өзі бас тартты.

Жетістіктері[өңдеу]

Италия «Интер»

  • Италия чемпионы: 2005/06

Италия «Ювентус»

  • Италия (6): 2011/12, 2012/13, 2013/14, 2014/15, 2015/16, 2016/17
  • Италия кубогы (3): 2014/15, 2015/16, 2016/17
  • Италия суперкубогы (3): 2012, 2013, 2015
  • Чемпиондар Лигасының финалисі (2): 2014/2015, 2016/2017

 Италия құрамасы

  • Еуропаның күміс жүлдегері: 2012
  • Конфедерациялар кубогының қола жүлдегері: 2013

Клубтық статистикасы[өңдеу]

Жыл Команда Ойын Гол
2005—2007 Италия Интер 1 (0)
2007—2009 Италия Тревизо 40 (4)
2009  Италия Пиза 18 (1)
2009—2010 Италия Бари 38 (1)
2010—2017 Италия Ювентус 227 (15)
2017— Италия Милан 22 (1)