Хет-трик

Уикипедия — ашық энциклопедиясынан алынған мәлімет
Jump to navigation Jump to search

Хет-трик — бірқатар спорттық ойындарда қолданылатын "үш" санына байланысты термин. Футбол мен хоккейде бір матчта үш рет қарсыластар қақпасын дәл көздеген cпортшының жетістігі осылай аталады. Кей-кейде футзал, гандбол секілді спорт түрлерінде де қолданылады. Сондай-ақ, бір мезгілде үш бірдей титулды жеңіп алған спорттық ұжымның табысы да осылай сипатталады. Мәселен, 2009 жылы Испанияның "Барселона" клубы бір маусымда үш бірдей жарыста (Испания чемпионаты, Испания кубогы және УЕФА Чемпиондар Лигасы) бас жүлдені алды да, мамандар ол жетістікті "требл" деумен қатар, "хет-трик" деп те атады.

Қызықты деректер[өңдеу]

  • Бельгиялық "Экерен" клубының ойыншысы Стан Ван ден Бюйс 1996 жылы "Андерхлетпен" болған ойында өз қақпасына үш рет гол соғып алған.
  • 1999 жылы парагвайлық атақты қақпашы Хосе Луис Чилаверт үш рет пенальтиден гол соқты. Ол хет-трик жасаған тарихтағы жалғыз қақпашы.

Тағы қараңыз[өңдеу]