Грекия Ұлттық футбол құрамасы

Уикипедия — ашық энциклопедиясынан алынған мәлімет
Jump to navigation Jump to search
Грекия Ұлттық футбол құрамасы
[[Сурет:|150px|Логотип]]
Лақап «Эллиндер»
Конфедерация УЕФА
Федерация Грекия футбол федерациясы
Негізгі. бапкер Германия Михаэль Скиббе
Капитан Василис Торосидис
Ең көп
ойын саны
Георгиос Карагунис (139)
Үздік
бомбардир
Никос Анастопулос (29)
Үй стадионы Афины Олимпиада стадионы
Караискакис
ФИФА рейтингі 45 (+2) (15 ақпан 2018)
ФИФА коды GRE
Форма
Негізгі
форма
Форма
Қонақтық
форма
Бірінші ойын
 Грекия 1:4 Италия 


(Афина, Грекия; 7 сәуір 1929)

Ең ірі жеңіс
 Грекия 8:0 Кипр 


(Афина, Грекия; 25 қараша 1949)

Ең ірі жеңіліс
 Мажарстан 11:1 Грекия 


(Будапешт, Мажарстан; 25 наурыз 1938)

Грекия Ұлттық футбол құрамасы2004 жылғы Еуропа Чемпиондары, УЕФА, ФИФА мүшесі.

Тарихы[өңдеу]

Алғаш қатысқан ірі жарысы — 1980 жылғы Еуропа Чемпионаты. Арада 14 жыл өткен соң, 1994 жылы АҚШ-та өткен Футболдан Әлем Чемпионатына қатысты. Топтық турнирдегі үш ойында да жеңіліп, бір доп та соға алмай, сәтсіздікке ұшырады.

Келесі ірі жарысты 10 жыл күтті. 2004 жылы Португалияда өткен құрлықтық додада күтпеген жерде гректер алтын жүлдені иемденіп кетті. Олар Португалия, Ресей, Испаниямен бір топқа түсті. Әуелі, алаң иелерін 2:1 есебімен ұтты. Карагунис пен Басинастың голына 90-минутта тек Криштиану Роналду ғана қарымта қайыра алды. Келесі турда тағы бір пиренейлік құрама — испандармен ұпай бөлісті. 28 минутта есеп ашқан Морьентестің голына 57-минутта Харистеас жауап берді — 1:1. Соңғы турда Ресей құрамасынан 1:2 есебімен ұтылса да, келесі сатыға жолдама алды. Ширек финалда оларды Еуропаның сол кездегі чемпионы — Франция құрамасы күтіп алды. Зидан, Анри секілді жұлдыздары бар құрама гректерден өте алмады: 64 минутта құрама капитаны Теодорос Загоракистің асырған добын Ангелос Харистеас дәл соқты — 1:0 Жартылай финалда Чехиямен болған тартысты ойында тағы да Грекияның бағы жанды. 105-ші минутта Траянос Деллас баспен соғып, "күміс голдың" авторы атанды.

Финалда тағы да Португалия құрамасымен тоқайласты. 90 минут бойы португалдар басымдық танытса да, соңында гректер 1:0 есебімен жеңіске жетті де, Еуропа Чемпионы атанды. Голды 57-минутта тағы да Ангелос Харистеас соқты.

"Шынымды айтсам, біз 2:0 есебімен ұтуымыз керек еді. Қанағатсыздығым емес, гол соғатын мүмкіндіктерді толық пайдаланған жоқпыз" деген болатын сонда гректердің бапкері Отто Рехагель.

"Гол соғылған сәттен бастап қуанышым қойныма сыймай жүрді. Ойынның бітуіне жарты сағаттан астам уақыт бар болса да жеңіске жететінімізге сендім" дейді финалдағы жалғыз голдың авторы Ангелос Харистеас.

2008 жылғы Еуропа Чемпионатында құрама топтық кезеңнен өте алмады. 2010 жылы Оңтүстік Африкада өткен Әлем чемпионатына қатысып, үш ойыннан үш ұпай ғана алды. Бұл көрсеткіш 1/8 финалға шығуға аздық етті. 2012 жылғы Еуропа Чемпионатына да қатысып, ширек финалда Германия құрамасына жол берді — 1:4.

Рекордшылар[өңдеу]

  • 2014 жылғы жағдай

Көп матч өткізгендер

Футболшы Карьера Матч Гол
1 Йоргос Карагунис 1999—2014 139 10
2 Теодорос Загоракис 1994—2007 120 1
3 Константинос Кацуранис 2003—2015 116 10
4 Ангелос Басинас 1999—2010 100 7
5 Стратос Апостолакис 1986—1998 96 5
6 Антониос Никополидис 1997—2008 90 0
7 Ангелос Харистеас 2001—2011 88 25
8 Димитрис Салпингидис 2005—2014 82 12
9 Йоргос Самарас 2006— 81 9
10 Димитрис Саравакос 1982—1994 78 22
11 Теофанис Гекас 2005—2014 78 24
12 Стелиос Яннакопулос 1997—2009 77 12
13 Тасос Митропулос 1978—1994 77 8
14 Никос Либеропулос 1996—2012 76 13
15 Василис Торосидис 2007— 73 7

Мергендер

Футболшы Карьера Гол Матч
1 Никос Анастопулос 1977—1988 29 74
2 Ангелос Харистеас 2001—2011 25 88
3 Теофанис Гекас 2005—2014 24 78
4 Димитрис Саравакос 1982—1994 22 78
5 Димитрис Папаиоанну 1963—1978 21 61
6 Никос Махлас 1993—2002 18 61

Әйгілі футболшылары[өңдеу]

Әйгілі жаттықтырушылары[өңдеу]

Сілтемелер[өңдеу]