Тьерри Анри

Уикипедия — ашық энциклопедиясынан алынған мәлімет
Jump to navigation Jump to search
Тьерри АнриФутбол
Тьерри Анри
Тьерри Анри
Жалпы мағлұмат
Толық аты Тьерри Даньель Анри
Лақап аты Titi, Va Va Voom
Туған күні 17 тамыз 1977(1977-08-17) (42 жас)
Лез-Юлис, Эссонна, Франция
Азаматтығы Франция Франция
Бойы 188 см
Салмағы 83 кг
Позиция шабуылшы
Клуб жайлы ақпарат
Клуб мансабын аяқтады
Карьера
Жастар клубы
1983—1989 Франция Лез-Юлис
1989—1990 Франция Палезо
1990—1992 Франция Витри-Шатийон
1992 Франция Клерфонтен
1992—1994 Франция Монако
Клуб карьерасы*
1994—1999 Франция Монако 105 (20)
1994—1996 Франция Монако B 31 (7)
1999 Италия Ювентус 16 (3)
1999—2007 Англия Арсенал 254 (174)
2007—2010 Испания Барселона 80 (35)
2010—2014 Америка Құрама Штаттары Нью-Йорк Ред Буллз 56 (28)
2012 Ж Англия Арсенал 4 (1)
Ұлттық құрамы**
1993—1994 Франция Франция-16 8 (4)
1994—1995 Франция Франция-16 11 (10)
1995—1996 Франция Франция-19 9 (5)
1997—1998 Франция Франция-20 11 (7)
1997—1999 Франция Франция-21 6 (1)
1997—2010  Франция 123 (51)
Бапкерлік карьерасы
2015—2016 Англия Арсенал (Лондон) бапкерлер шт
2016—2018  Бельгия асс
2018—2019 Франция Монако

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 28 шілде 2018.

** Ресми матчтарда ұлттық құрамда болған ойындары мен голдар саны, өңделді 7 маусым 2018.

Тьерри Даниель Анри - (фр. Thierry Daniel Henry; 1977 жылдың 17 тамызында туған, Лез-Юлис, Эссонна, Франция). Жасы 21-де болған бозбала Франция-98 Әлем чемпионатында «үш жолақтылардың» қатарынан орын алып, мұнда жеңімпаз атанған Зинедин Зидан, Дидье Дешам, Марсель Десаий және Юрий Джоркаеффтармен бірге командасының бірге турнирлік жолына белсенді араласады. 3 доп соққан Анри, француздардың негізгі шабуылшысы болып есептелмесе де, құраманың бас мергені атанады. Жылдар өтіп, Тьерридің жеңістеріне жеңіс қосылды. Алайда, оның үйіндегі жүлделері тұрған сөреде кез келген футболшы арман еткен «Алтын доптың» орны әлі бос.

Өмір жолы[өңдеу]

Тьерридің анасы Мартиника, ал әкесі Гваделупа деген Кариб теңізіндегі аралдарынан шыққан эмигранттар. Жасөспірімдерге арналған лигалар алаңдарын шаңдатқан кішкентай Тьерри өзінің ойнымен қатар мінезін де шыңдап алады. Осының нәтижесінде 13 жасында оны «Монаконың» «барлаушысы» Арнольд Каталано байқап қояды. Көп ұзамай, агент Анриді Франциядағы ең әйгілі Клерфонтен академиясына орналастырады. Мұнда ол өзінен таланты жағынан аспаса, кем түспеген Николя Анелькамен бірге білім алады. Алайда, Анелька Анриге қарағанда, өзіне берілген аванстарды толық ақтай алмағанын бүгінгі күнде көріп отырмыз.

Клубтық мансабы[өңдеу]

Француз футболшысының «зеңбірекшілердің» намысын қорғаған шағы – оны әлемдік футболдың жарық жұлдыздары қатарынан бір-ақ шығарады. Көреген бапкер Арсен Венгердің басқаруымен Тьерри клубтың үздік шабуылшысы болып, 4 мәрте Англия біріншілігінің үздік сұрмергені және 2 мәрте «Алтын бутса» иесі атанады. Анри 2 рет әлемнің үздік футболшысы атағына ұсынылып, 2 рет ағылшын Премьер-лигасының үздік ойыншысы атағына ие болды. Және де дүниежүзі жанкүйерлері алдында «Арсеналдың» нағыз символына айналады. Лондондағы соңғы екі маусым бойы Тьерри команда капитаны міндетін атқарып, 2006 жылы командаластарымен бірге УЕФА Чемпиондар Лигасының финалына шығады. Бірақ, көптеген қауымның өкінішіне қарай ол жерде олар «Барселонадан» ұтылады. Командада өткізген 8 жыл ішінде Анри әр түрлі турнирлердегі 364 ойында 226 доп соқты. 5 маусым бойы 24 гол көрсеткішінен төмендеген емес.

2007 жылдың маусым айында француз 16,1 млн. фунтқа каталондық «Барселонаға» ауысады. Көп жыл бойы «Арсенал» капитаны болған Анридің клубтан кеткенінен соң, команда оның кетуінен соң зардап шекпегендей көрінді. Тьерри бұл туралы: «Менің атақ-даңқым мен капитандық лауазымыма қарап, әріптестерім өздері гол соғатын позицияда бола тұра допты маған ұсынуға әбден дағдыланып кеткен. Бұл тұрғыда менің «Арсеналдан» кетуім оларға оң септігін тигізеді», - деп айтқаны бар.

«Барселонада» 14-нөмірлі жейдені таққан ол жалпы алғанда тәуір өнер көрсетіп келді. Алайда, оған өзіне үйреншікті орталық шабуылшы рөлінің берілмегені ақыры кері әсерін тигізді. 2009 жылғы маусымды каталондықтар өте сәтті аяқтап, команданың шабуылдаушы үштігі: Анри, Это’о мен Месси асқан нәтижелілігімен көзге түсті. Алайда, 2009-2010 маусымындағы сәтсіздіктерден соң, Тьерри каталондықтардан кетуге ынталылығын жариялады.

2010 жылы шілде айында ол АҚШ-тың MLS чемпионатының «Нью-Йорк Ред Буллс» клубына ауысады. Келісім-шарт 4,5 жылға жоспарланған. Жаңа командадағы тұңғыш голын 28 тамызда «Сан-Хосе Эртквейкс» қақпасына соғады.

Франция құрамасы[өңдеу]

Еуро-2008 іріктеу турнирінің Литваға қарсы кездесуінде Анри келесі бір рекордты жаңартты. Тьерри сол ойында Франция құрамасындағы 42-ші добын соғып, аңызға айналған Мишель Платинидің жетістігінен асып түсті.

Тьерри Анридің тағы бір ерекшелігі – оның клубтық аренадағы жетістіктерінен гөрі, құрама команда намысын қорғаған өнер көрсетулері анағұрылым абырой әпергендігінде. Француз 1998 жылғы Әлем чемпионы, 2006 жылғы Әлемнің вице-чемпионы, 2000 жылғы Еуропа чемпионы, 2003 Конфедерациялар Кубогының жеңімпазы болып үлгерді.

Анри - қоғам қайраткері[өңдеу]

Анри алаңнан тыс уақытын футболдағы нәсілшілдікпен белсенді күрескер ретінде танылды. Тьерридің жарқын ойын мәнері мен жарық тұлғасы оны әлемдік коммерциялық компаниялар тарапынан ең үлкен қызығушылыққа ие футболшылардың бірі етті. Ол барашаға мәлім сауда белгілерінің жарнамаларында көрініп үлгерді. L’Equipe magazine апталығының зерттеулері бойынша Анри 2007 жылы Франциядағы ең көлемді еңбекақылы спортшысы болды. 2008 жылдың шілде айында «Арсеналдың» ресми сайтындағы жанкүйерлердің дауыс беру нәтижелері Тьерри Анриді клуб тарихындағы үздік ойыншы екендігін анықтады.

Жетістіктері[өңдеу]

Командалық[өңдеу]

«Монако»
  • Франция чемпионы: 1996/97
  • Франция кубогы: 1996/97
«Ювентус»
  • Интертото кубогы: 1999
«Арсенал»
  • Англия чемпионы (2): 2001/02, 2003/04
  • Англия кубогы (3): 2001/02, 2002/03, 2004/05
  • Англия суперкубогы (2): 2002, 2004
«Барселона»
  • Испания чемпионы (2): 2008/09, 2009/10
  • Испания кубогы: 2008/09
  • УЕФА Чемпиондар Лигасы: 2008/09
  • Испания суперкубогы: 2009
  • УЕФА Суперкубогы: 2009
  • Клубтар арасындағы әлем чемпионы: 2009
«Нью-Йорк Ред Буллз»
  • MLS шығыс конференциясының жеңімпазы (2): 2010, 2013
  • MLS Supporters' Shield: 2013
Франция
  • Әлем чемпионы: 1998
  • Еуропа чемпионы:: 2000
  • Конфедерациялар кубогы: 2003
  • Жастар арасындағы Еуропа чемпионы (19): 1996

Жеке[өңдеу]

  • ӘЧ-2006 символикалық құрамасы
  • Францияның үздік жас футболшысы: 1997
  • Францияның үздік футболшысы (5): 2000, 2003, 2004, 2005, 2006
  • Алтын бутсы иегері (2): 2004, 2005
  • Англия премьер-лигасының үздік мергені (4): 2002, 2004, 2005, 2006
  • Англия премьер-лигасының үздік футболшысы (2): 2003/04, 2005/06
  • Еуропадағы жыл футболшысы (Onze d'Or) (2): 2003, 2006
  • Конфедерациялар кубогының үздік мергені: 2003
  • Конфедерациялар кубогының үздік футболшысы: 2003
  • «Арсенал» тарихындағы үздік мерген: 228 гол
  • Франция құрамасы тарихындағы үздік мерген: 51 гол
  • ФИФА 100