Арсен Венгер

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Арсен ВенгерФутбол
Arsene-Wenger.jpg
Жалпы мағлұмат
Лақап аты Профессор
Туылған күні 22 қазан 1949(1949-10-22) (64 жас)
Страсбург, Франция
Азаматтығы Франция Франция
Бойы 191 см
Позиция қорғаушы (карьерасын бітірді)
Клуб жайлы ақпарат
Клуб Англия Арсенал
Карьера
Клуб карьерасы*
1973—1975 Франция Мюлуз 39 (7)
1975—1978 Франция Пьерро Вобан 80 (20)
1978—1981 Франция Страсбур 12 (0)
Бапкерлік карьерасы
1984—1987 Франция Нанси
1987—1994 Франция Монако
1995—1996 Жапония Нагоя Грампус Эйт
1996-қ.д. Англия Арсенал

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.


Арсен Венгер, OBE (фр. Arsène Wenger; 22 қазан 1949, Страсбург) — француз футбол жаттықтырушысы, 1996 жылдан бері Лондондік Арсеналмен жұмыс істеп келеді. Футбол тарихындағы ең танымал олжалы бапкерлердің бірі болып саналады.

Білімі[өңдеу]

Страсбург Университетінің инженерлік факультетін тамамдаған (1974 жылы), экономикалық ғылымдар магистрі. Ана тілінен басқа (француз тілі, эльзасс диалекті ) бес тілді біледі: ағылшын, неміс, итальян испан және жапон тілдері.

Футболшы[өңдеу]

Жас кезінде оның пірлері Раймон Копа мен Пеле болған. «Мютциг» (AS Mutzig) әуесқой командасында орталық қорғаушы позицияда сынға түседі. Алғашқы кәсіпшілік келісіміне 24 жасында 2-ші дивизион клубы «Мюлузбен» (FC Mulhouse) қол қояды, мансабын 3-ші дивизион клубы Страсбурде жалғастырады. Жоғары денгейде Страсбур (RC Strasbourg) клубында ойнайды, 3 сезонда 12 ойынға қатысады. 1978/1979 жылғы сезонда Франция чемпионы атағын алып, УЕФА Кубогының бір ойынына қатысады.

Бапкер[өңдеу]

1981-1994 жылдар аралығында Францияда бапкершілік жұмыстармен айналысқан: 1981-1983 жылдары «Страсбур» жасөспірімдер командасының бапкері, 1983-1984 жылдары «Канне» (AS Cannes) бапкерінің көмекшісі болып қызмет атқарды. 1984-1987 жылдары — Нанси футбол клубының бас бапкері, 1987-1994 жылдары — Монако футбол клубының бас бапкер қызметін атқарады. 1987/1989 маусымда Монако Франция чемпионы болып, ал 1992 жылы - күміс медаль жүлдегерлері болады. 1989 жылы — Франция Кубогы финалисті, 1991 жылы — Франция Кубогы иегері, 1992 жылы — Кубок Иегерлері Кубогының финалисті болады.

1995-1996 жылдары «Нагоя Грампус Эйт» (Нагоя, Жапония), клубын жаттықтырды, 1995/1996 маусымында Император Кубогы және Джей-Лига Кубогының иегері болды. Маусым нәтижелері бойынша Жапониядағы үздік бапкер болып атанды.

«Арсенал» бас бапкері[өңдеу]

1996 жылдан бастап Арсенал (Англия) клубын жаттықтырады. Венгермен клуб Англия чемпионы (1997/1998, 2001-2002, 2003/2004 жылғы маусымдар), Англия Кубогы (1997/1998, 2001/2002, 2002/2003, 2004/2005 жылғы маусымдар ), Англия Суперкубогы (1998/1999, 1999/2000, 2002/2003, 2004/2005 жылғы маусымдар) иегері, Чемпиондар Лигасының финалисті және УЕФА Кубогы финалисті (1999/2000 жылғы маусым) болды.

Арсеналды басқарғаннан кейін, әдейі футболшылардың функционалды дайындығына жауапты мамандар бригадасын құрады. Әр ойынша жеке жаттығу және қалпына келтiру процедуралар бағдарламасын алды. Әр футболшыға жеке арнаулы диета дайындалды. Бұл шаралар клубтың жоғарғы нәтижелерге жетуге септігін тигізді. Өзінің табысты және белсенді селекциялық саясатымен әйгілі - Арсен кезінде клуб жас ойыншыларды сатыр алып, олар кейіннен "жұлдыздарға" айналады.

Англия оны «Профессор» деп атайды. Ұлттық чемпионатты ұтып алған Англиядағы тұнғыш шетел бапкері. "Алтын дубль" жасаған Англиядағы тұнғыш шетел бапкері (Ұлыбританиядан емес бапкер) - яғни бір маусымда чемпионатты да Кубокты да жеңді. "Жыл бапкері" атанған тұнғыш шетел бапкері. Арсеналмен жұмысын жалғастырғысы келіп, 2001 жылы футболдан Францияда ұлттық құрамасының бапкер орнынан бас тартады.

Жанкүйерлердің үлкен сеніміне ие, осыған орай «Arsene knows» фразасы кең таралған («Арсен біледі»).

Дереккөздер[өңдеу]