Ангелос Харистеас

Уикипедия — ашық энциклопедиясынан алынған мәлімет
Jump to navigation Jump to search
Ангелос ХаристеасФутбол
Charisteas 2008.jpg
Жалпы мағлұмат
Туған күні 9 ақпан 1980(1980-02-09) (39 жас)
Серре қаласы, Грекия
Азаматтығы  Грекия
Бойы 191
Салмағы 82
Позиция шабуылшы
Клуб жайлы ақпарат
Клуб карьерасын аяқтады
Карьера
Клуб карьерасы*
1997—2002 Грекия Арис 87 (19)
1998—1999  Грекия Атинаикос 7 (1)
2002—2005 Германия Вердер 66 (18)
2005—2006 Нидерланд Аякс 31 (12)
2006—2007 Нидерланд Фейеноорд 28 (9)
2007—2010 Германия Нюрнберг 38 (8)
2009—2010  Германия Байер 04 13 (1)
2010 Франция Арль-Авиньон 7 (0)
2011 Германия Шальке 04 4 (1)
2011—2012 Грекия Панетоликос 24 (4)
2013 Сауд Арабиясы Әл-Наср 7 (1)
Ұлттық құрамы**
2001—2011 Грекия Грекия 88 (25)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Ангелос Харистеас (гр. Άγγελος Χαριστέας; 9 қыркүйек, 1981 жыл, Серре) — грек футболшысы, Грекия Ұлттық футбол құрамасының шабуылшысы, 2004 жылғы Еуропа чемпионы.

Карьерасы[өңдеу]

Карьерасын 1997 жылы "Арис" клубында бастады. Бес жылдай ойнап, 2002 жылы "Вердерге" ауысты. Екі маусымнан соң Германия чемпионы атанды. Сол жылы Еуропа чемпионы да атанды. 2005 жылы "Аякс" оны клубтан кеткен Златан Ибрагимовичтің орнына сатып алды. Бірақ "Аяксте" де, одан кейінгі клубы "Фейеноордта" да негізгі құрамға іліге алмады. Кейін де "Нюрнберг", "Байер 04", "Шальке 04" секілді Германия клубтарында да қосалқы құрамнан аса алмай, 2012 жылы Сауд Арабиясына кетті де, 2013 жылы жазда не-бары 32 жасында футболшылық ғұмырын аяқтады.

ЕУРО-2004[өңдеу]

Charisteas' Siegtreffer im Finale der Euro 2004.jpg

2004 жылғы Еуропа чемпионатында Харистеас үш гол соқты. Әуелі топтық турнирдің екінші ойынында Испаниямен матчта есепті теңестірді. Кейін ширек финалда Грекия құрамасы Франциямен ойнады. Матчтың 64 минутында Загоракис асырған допты Бартез қорғаған қақпаға дәл соғып, матч тағдырын шешкен жалғыз допты енгізді.

Финалда Грекия футболшылары Португалиямен ойнады. Бұл жолы 57-минутта Ангелос Басинас бұрыштан доп берді. Қақпашы Рикарду допқа ұмтылды, бірақ жете алмады. Допқа бұл жерде төрт футболшы бірдей секірді. Бұл таласта Харистеас жеңіп кетті: баспен ұрып, бос қалған қақпаны дәл көздеді. Осы гол финалдағы шешуші соққы болып қала берді. Грекия Еуропа чемпионы атанды. Осы чемпионаттан соң Харистеас "грек футболының періштесі" деген лақап атқа ие болды.

2008 жылғы Еуропа додасында Грекия құрамасы бір ғана доп соға алды. Ол доптың авторы сол төрт жыл бұрынғы періште балақай — Ангелос Харистеас. Бұл ойында Грекия испандардан 1:2 есебімен ұтылды.

Жетістіктері[өңдеу]

  • Германия чемпионы: 2003/04
  • Германия кубогы: 2003/04, 2010/11
  • Нидерланд кубогы: 2005/06
  • Еуропа чемпионы: 2004
  • Еуропа чемпионаттарындағы Грекияның үздік мергені: 4 гол

Сыртқы сілтемелер[өңдеу]