Алехандро Гарначо
Алехандро Гарначо  | |||||||||||||||||||||||||||||||
.jpg) | |||||||||||||||||||||||||||||||
| Жалпы мағлұмат | |||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Толық аты |
Алехандро Гарначо Феррейра | ||||||||||||||||||||||||||||||
| Туған күні | |||||||||||||||||||||||||||||||
| Туған жері | |||||||||||||||||||||||||||||||
| Азаматтығы | |||||||||||||||||||||||||||||||
| Бойы |
180 см | ||||||||||||||||||||||||||||||
| Позиция | |||||||||||||||||||||||||||||||
| Клуб жайлы ақпарат | |||||||||||||||||||||||||||||||
| Клуб | |||||||||||||||||||||||||||||||
| Номері |
17 | ||||||||||||||||||||||||||||||
| |||||||||||||||||||||||||||||||
| Марапаттары мен медальдары | |||||||||||||||||||||||||||||||
| |||||||||||||||||||||||||||||||
Алехандро Гарначо Феррейра (ис. Alejandro Garnacho Ferreyra; 2004 жылы 1 шілдеде туған) — аргентиналық футболшы, англиялық "Манчестер Юнайтед" клубы мен Аргентина құрамасының жартылай қорғаушысы.
Клубтық карьера
[өңдеу | қайнарын өңдеу]Мадрид қаласының тумасы Гарначо 2015 жылдан 2020 жылға дейін "Атлетико Мадрид" клубының жастар командасында ойнады. 2020 жылдың қазан айында ол "Манчестер Юнайтед" жастар командасына қосылды. 2022 жылдың сәуір айының соңында Премьер-лигада "Челси" клубына қарсы матчта алғаш рет негізгі құрамда алаңға шықты. Сол жылдың мамыр айында Жасөспірімдер кубогының финалында "Ноттингем Форест" командасына екі гол соғып, командасына жеңіс әкелді. Қарашада УЕФА Еуропа лигасының топтық кезеңінде "Реал Сосьедад" командасының қақпасына алғашқы голын соқты. Қараша айында Премьер-лигада "Фулхэм" командасына қарсы матчта жеңіс голын соғып, командасының 2:1 есебімен жеңісін қамтамасыз етті.
2023 жылдың көктемінде Гарначо "Манчестер Юнайтед" клубымен 2028 жылға дейін жарамды жаңа келісімшартқа қол қойды. Желтоқсанда ол "Астон Вилла" командасына қарсы ойында екі рет гол соғып, командасына 3:2 есебімен жеңіс әкелді.
2024 жылдың мамыр айында Англия кубогының финалында "Манчестер Сити" командасына қарсы гол соғып, турнир жеңімпазы атанды.
Ұлттық құрамадағы карьерасы
[өңдеу | қайнарын өңдеу]2021 жылдың қыркүйегінде Испанияның 18 жасқа дейінгі құрамасының сапында дебют жасады.
2022 жылдың наурыз айында алғаш рет Аргентина құрамасына шақырту алып, бірнеше айдан кейін 20 жасқа дейінгі құрамада АҚШ-қа қарсы матчта алғашқы ойынын өткізді. Сол жылдың маусымында Тулон турнирінде Панама командасына қарсы алғашқы голын соқты. Турнир барысында ол 4 матчта 4 гол соғып, Аргентина жеңімпаз атанды.
2023 жылдың көктемінде бас бапкер Лионель Скалони оны Панама және Кюрасао құрамаларына қарсы матчтарға шақырғанымен, жарақатына байланысты ол бұл кездесулерге қатыса алмады. Маусым айында Аустралияға қарсы жолдастық ойында Аргентина құрамасының негізгі сапында алғаш рет алаңға шықты.
Дереккөздер
[өңдеу | қайнарын өңдеу]Сыртқы сілтемелер
[өңдеу | қайнарын өңдеу]
| ||||||||||
