Алсидес Хиггия

Уикипедия — ашық энциклопедиясынан алынған мәлімет
Jump to navigation Jump to search
Альсидес ГиджаФутбол
Alcides Ghiggia 2006.jpg
Жалпы мағлұмат
Толық аты Альсидес Эдгардо Гиджа
Туған күні 22 желтоқсан 1926(1926-12-22)
Монтевидео, Уругвай
Қайтыс болған күні 16 шілде 2015(2015-07-16) (88 жас)
Монтевидео, Уругвай
Азаматтығы Уругвай Уругвай
Италия Италия
Бойы 169
Салмағы 62
Позиция шабуылшы
Карьера
Клуб карьерасы*
1944—1945 Уругвай Суд Америка ? (?)
1946—1947 Уругвай Прогресо ? (?)
1947—1948 Аргентина Атланта Буэнос-Айрес ? (?)
1948—1953 Уругвай Пеньяроль 169 (26)
1953—1961 Италия Рома 201 (19)
1961—1962 Италия Милан 4 (0)
1962—1968 Уругвай Данубио 128 (12)
Ұлттық құрамы**
1950—1952  Уругвай 12 (4)
1957—1959  Италия 5 (1)
Бапкерлік карьерасы
1980 Уругвай Пеньяроль

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Альсидес Эдгардо Хиггия[1] (исп. Alcides Edgardo Ghiggia); 22 желтоқсан 1926 жыл, Монтевидео, Уругвай16 шілде 2015 жыл, сонда) — уругвайлық футболшы, шабуылшы, 1950 жылғы әлем чемпионы.

Өмірбаяны[өңдеу]

Кәсіпқой карьерасын 1946 жылы "Суд Америка" клубында бастады. Келесі жылы аргентиналық "Атланта Буэнос-Айрес" клубына ауысты. Тағы да бір жыл ғана ойнап, "Пеньярольға" өтті. "Пеньяроль" сапында жүріп ұлттық құрамаға шақырту алды.

1953 жылы Италияға, "Рома" клубына ауысты. Римдік клубта ұзақ жылдар ойнап, Италия құрамасы сапында да өнер көрсетті. 1961 жылы "Миланға" ауысқанымен, жасы ұлғайып қалған шабуылшы гол соға алмады, соған қарамастан алғашқы маусымда-ақ Италия чемпионы атанды.

1962 жылы отанына оралды да, "Данубио" клубында 40-тан асқанша ойнады.

1950 жылғы әлем біріншілігі[өңдеу]

Хиггия 1950 жылғы әлем чемпионатының қаһарманы атанды. Екінші топтық кезеңнің соңғы ойынында Уругвай құрамасы Бразилиядан 0:1 есебімен ұтылып тұрып екі гол соғып кетті де, әлем чемпионы атанды. Екінші голды 79-минутта Хиггия енгізді. Хиггия гол соққан сәтте 200 мың адамдық "Маракана" стадионы тым-тырыс бола қалған екен.

Міне, ойынның шарықтау шегі! 79-минут. Радиодан кәнігі комментатор Жоржи Кури қылғына қырылдайды: «Біздің Данило доптан айрылып қалды. Оны Хулио Перес іліп әкетті… Ол алға, Хиггияға тастады! Хиггия оң қапталмен зулап келеді! Бразилияның қақпасына жақындап қалды! Тепті! Гол! Хиггия екінші допты соқты. 2:1! Алда – өкінішке қарай, Уругвай».Фотодеректер мен кинокадрлар мынаны көрсетеді: Хиггия бұл жолы да Бигодені сан соқтырып кеткен. Қақпашы Барбоза тағы да ортадағы Скьяффиноға пас беріледі деп ойласа керек, сәл алға ұмсына бастапты. Қақпаның бергі бұрышы ашық қалғанын көрген Хиггия қиғаштап тұрып өзі тепкен ғой. Соққы әлсіздеу болғанымен, ортаға ойыса бастаған Барбоза жандәрмен қайта ұмтылса да, допқа жете алмаған… Осы қасіретті өз көзімен көрген журналист Жоао Максимо: «Хиггияның голы онсыз да мүлгіген стадионда өлі тыныштық орнатты, – деп еске алады. – Бірақ мұның әсерінің күшті болғаны сондай, осы гол, қарапайым ғана гол әрбір бразилиялықтың өмірін екіге қақ бөлді: голға дейінгі өмір және одан кейінгі өмір».
(Сәкен Сыбанбайдың "Ала доптың аламаны" кітабынан).

Алсидес Хиггия арада 65 жыл өткен соң, дәл сол датада, 2015 жылы 16 шілдеде 89 жасында өмірден өтті.

Жетістіктері[өңдеу]

  • Уругвай чемпионы (2): 1949, 1951
  • Италия чемпионы (1): 1961/62
  • Жәрмеңкелер кубогы (1): 1960/61
  • Әлем чемпионы (1): 1950

Дереккөздер[өңдеу]

  1. Футболшының фамилиясы түрліше жазылады: Гиджа, Чиггья. Хиххия, Хиджа т.б