Алтынарық (Жамбыл облысы)

Уикипедия — ашық энциклопедиясынан алынған мәлімет
Jump to navigation Jump to search
Ауыл
Алтынарық
Әкімшілігі
Ел

 Қазақстан

Облысы

Жамбыл

Ауданы

Меркі

Ауылдық округі

Ақермен

Тарихы мен географиясы
Координаттары

43°04′18″ с. е. 73°25′38″ ш. б. / 43.07167° с. е. 73.42722° ш. б. / 43.07167; 73.42722 (G) (O) (Я)Координаттар: 43°04′18″ с. е. 73°25′38″ ш. б. / 43.07167° с. е. 73.42722° ш. б. / 43.07167; 73.42722 (G) (O) (Я)

Уақыт белдеуі

UTC+6:00

Тұрғындары
Тұрғыны

0,4 мың адам (2009)

Сандық идентификаторлары
Телефон коды

+7 72632

Автомобиль коды

08

Алтынарық картада
Алтынарық
Алтынарық
Алтынарық картада
Алтынарық
Алтынарық

Disambig gray.svg Басқа мағыналар үшін Алтынарық деген бетті қараңыз.

АлтынарықЖамбыл облысы Меркі ауданы, Ақермен ауылдық округі құрамындағы ауыл.

Географиялық орны[өңдеу]

Аудан орталығы – Меркі ауылынан солтүстік-шығысқа қарай 29 км-дей жерде.

Халқы[өңдеу]

  • 0,5 мың адам (2007);
  • 0,4 мың адам (2009).

Ауылда бастауыш мектеп, фельдшерлік пункт бар. Бұрын бұл ауыл "Меркі асыл тұқымды мал зауытының 1-ші бөлімшесі атанған.

Ауыл тарихы[өңдеу]

Алтын арық атауы - Алтын деген ананың есімінен туған. Ілгері уақытта Аспара мен Мықанды өзендерінің аралығында ботбай елінің Әлім-Жаныс руынан, Тұзақбай бидің шаңырағына Алтын есімді қыз келін болып түскен екен. Бұл шамамен қазақтың ашаршылық, қуғынға ұшыраған"Ақтабан шұбырынды" жылдарына сәйкес келсе керек. Сол кездегі Қорағаты өңірі ішінде Рысқұл, Тұзақбай би және басқа ауыл ақсақалдары тығырыққа тіреліп, қиыншылықтан шығатын жол таппай тұрғанда Алтын келін ел ағаларынан рұқсат сұрап, сөз алып: "Мықан өзеніне тосқауыл орнатып, сол арқылы қырға су шығарып егін егейік, барлық күш-жігерімізді осы іске бағыттайық. Тек сонда ғана төніп тұрған ашаршылықтан, жоқшылықтан құтыламыз" деген екен. Осыдан кейін барлық жиналған ақсақалдар осы сөзге тоқтап, билікті Алтын келінге беріпті.

Алтын келіннің тікелей басшылығымен Қылышбай, Әспет сияқты азаматтардың күшімен Аспара, Мықан өзендеріне байламта жасалып, 8 км-ге жуық арық қазып, екі жағына егін егіп, елді ашаршылықтан аман алып қалған. Міне, сол Алтын ананың қаздырған арығы әлі күнге дейін егіндік алқапты сумен қамтамасыз етіп отыр. Халқы үшін қызмет жасаған осындай абзал аналар ел есінде. Ауыл осыдан келіп Алтын арық атанған.[1]

Дереккөздер[өңдеу]

  1. Жамбыл облысының топономикалық атауларының анықтамалығы