Алтынбек Жолдасұлы Кенжеков

A. Кенжеков

Алтынбек Жолдасұлы Кенжеков (13 маусым 1941, Отырар ауданы Шәуілдір ауылы – 27 желтоқсан 2001, Алматы) – актер, Қазақстанның еңбек сіңірген артісі (1991), Қазақстанның халық артісі (1996).

Өмірбаяны

• Алматы консерваториясын (қазіргі Қазақ ұлттық консерваториясы) бітірген (1964).

• 1959 жылдан Қазақ балалар мен жасөспірімдер театрының артисі болды.

Рольдері

Кенжеков осы театр сахнасында жүзден аса рөл ойнады. Жәрдем, Ғани Мұратбаев (Ш.Хұсайыновтың «’’Жартасы’’» мен «’’Алғашқы ұшқындарында’’»),

• Диуана (М.Кәрімнің «’’Ай тұтылған түнінде’’»).
• Нұрбек, Нарбек (Б.Мұқайдың «’’Қош бол, менің ертегім’’», «’’Заманақырында’’»)
• Гамлет (У.Шекспирдің осы аттас трагедиясында)
• Шоқан (С.Мұқановтың «’’Қашқар қызында’’»)
• Сәкен Сейфуллин (Қ.Сатыбалдиннің «’’Ұзақ жолында’’»)
• Жуан-Жуан (Ш.Айтматовтың «’’Жан азабында’’»)
• Мұрат, Жамбыл (С.Жүнісовтің «’’Қызым, саған айтамын’’» мен «’’Жамбылдың даңғыл, тарғыл жолдарында’’»)
• Ақылбек (Б.Жәкиевтің «’’Әке тағдырында’’»), т.б. рөлдері актердің шығармашылық мүмкіндігінің молдығын көрсетті.

Режиссерлік еңбегі

Ол режиссерлік жұмыспен де айналысып:

• Ж.Тәшенов пен И.Саввиннің «’’Беу, қыздар-ай’’»
• М.Хасеновтің «’’Пай-пай, жас жұбайлар-ай’’»
• Ә.Әбішевтің «’’Атыңнан айналайын, Мәди’’»
• Т.Ахтановтың «’’Махаббат мұңы’’»
• О.Бөкеевтің «’’Мен сізден қорқамын’’»
• Ш.Мұртазаның «’’Жетім бұрыш’’»
• Д.Исабековтің «’’Анасын аңсаған қыз’’»
• Жәкиевтің «’’Әке тағдыры’’», т.б. спектакльдерді қойып, көрермендер көңілінен шықты.

Кенжековтің кино саласы дамуына да қосқан үлесі мол. Ол киноэкранда жасаған, ойнаған оншақты рөлдермен қатар, орысша фильмдерді қазақшалауда (2000-ға жуық фильм) көп еңбек сіңірген.

Марапаттары

• «’’Құрмет’’» орденімен марапатталған.