Алшын Меңдалыұлы

Алшын Меңдалыұлы (15 сәуір 1895 жыл, Маңғыстау түбегі – 9 желтоқсан 1979 жыл, Жыңғылды ) – шежіреші, шешен, би. Мұсылманша білім алған. Жасынан Маңғыстау, Атырау өңірінің Сейіт, Мәтжан, Тілеген, Айдар, Сырым, т.б. билерінің шешендік дәстүрін өнеге тұтып өседі. Ауылдық (1920–1937), ауданы (1956–1957) кеңестерде қызмет істеді. 1937 жылы «халық жауы» атанып, Атырау қаласындағы түрмеде (1937–1940) отырып, Новосібір облысына жер аударылды (1940–1945). Дербес зейнеткерлікке шығып, өмірінің соңғы жылдарында Маңғыстау елінің бағзы әдет-ғұрпы, тұрмыс-тіршілігі, ауызша тараған ататек шежіресі жайында еңбектер жазды. «Кіші жүз және Адай шежіресі» аталатын көлемді қолжазбасы ҚР Орталық мемлекеттік мұрағатында сақтаулы.