Аманбай Мұхамедиярұлы Нұркенов

Уикипедия — ашық энциклопедиясынан алынған мәлімет
Jump to navigation Jump to search

Аманбай Мұхамедиярұлы Нұркенов 1963 жылы 21 қазанда Шымкент облысы Алғабас ауданының Бөген ауылында туған. Қазақ. Әкесі - Нұркенов Мұхамедияр (1928-2004), жұмысшы болған. Анасы - Нұркенова Тұрсын (1934-1966). Өскемен жол-құрылыс институтын (1985) сәулетші мамандығы бойынша; Қазақстан менеджмент, экономика және болжау институтын (1995) іскерлік әкімгерлік магистрі дәрежесімен бітірген. Қазақ, орысжәне ағылшын (ауызекі) тілдерін біледі. «Нұр Отан» ХДП мүшесі (1999 жылдан). 1985 жылдан - «Семейоблауылжоба» МЖИ сәулетшісі. 1986 жылдан - «Қазгипроауылшар» МЖИ сәулетшісі. 1989 жылдан - ШҚО Ұлан ауданының бас сәулетшісі. 1991 жылдан - Ұлан салааралық коммуналдық шаруашылық кәсіпорнының директоры. 1995 жылдың шілдесінен - Шығыс Қазақстан облыстық әкімшілігі Сауда және сыртқы экономикалық байланыстар департаментінің жетекші маманы. 1995 жылдың қазанынан - ШҚО әкімі аппаратының Сауда және сыртқы экономикалық байланыстар департаментінің бас маманы. 1996 жылдың қаңтарынан- Шығыс Қазақстан облыстық тұрғын үй-коммуналдық шаруашылық басқармасы бастығының орынбасары. 1996 жылдың сәуірінен - ШҚО құрылыс, сәулет және ТКШ басқармасының сектор меңгерушісі. 1998 жылдан - ШҚО Курчатов қаласы әкімінің орынбасары. 1999 жылдан - ШҚО құрылыс және сәулет бөлімінің бастығы, ШҚО бас сәулетшісі. 2001 жылдан - Шығыс Қазақстан ТКШ және жолдарды дамыту басқармасы бастығының орынбасары. 2002 жылдан - ШҚО бойынша аумақтық Сәулет-құрылыс бақылауы, инспекциялау және лицензиялау басқармасының бастығы. 2006 жылдың қаңтарынан - Қазақстан Республикасы Индустрия және сауда министрлігі құрылыс істері жөніндегі комитетінің Тұрғын үй саясаты және тұрғын-коммуналдық шаруашылық басқармасы бастығының орынбасары. 2006 жылдың қазанынан - ШҚО Курчатов қаласы әкімінің орынбасары. 2007 жылдан - ШҚО Сәулет және қала құрылысы басқармасы бастығының орынбасары. 2008 жылдың мамырынан бері - Шығыс Қазақстан облысы Сәулет және қала құрылысы басқармасының бастығы. Қазақстан Республикасы Сәулетшілер одағының мүшесі (2007 жылдан). Қазақстан Республикасы Статистика агенттігінің (1999), Қазақстан Республикасы Индустрия және сауда министрлігі құрылыс істері жөніндегі комитетінің (2005) Құрмет грамоталарымен марапатталған. Әскери атағы - запастағы аға лейтенант. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Халқының тіршілік ету деңгейі жоғары және демократиясы дамыған әлемдік экономикадағы 50 көшбасшы елдің (жоғары дамыған елдердің) қатарына қосылу және берік орнығу». Хоббиі - саяхат жасау, кітап оқу, балық аулау. Сүйіп оқитын әдебиеті - Ш. Айтматов, М. Әуезов. Үйленген. Жұбайы - Нұркенова (Мұсақанова) Баршагүл Долдашқызы (1962 жылы туған), Д. Серікбаев атындағы ШҚМТУ аға оқытушысы. Ұлдары - Серік (1985 жылы туған), Берік (1988 жылы туған).[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2