Нұр Отан

Уикипедия — ашық энциклопедиясынан алынған мәлімет
(Нұр Отан ХДП бетінен бағытталған)
Jump to navigation Jump to search
Нұр Отан
Нұр Отан Партиясы
Логотипі
Басшысы

Нұрсұлтан Назарбаев

Құрылған жылы

1 наурыз 1999 жыл

Штаб-пәтері

Астана қаласы, Д. Қонаев к., 12/1

Идеологиясы

центризм, секуляризм

Одақтастар және жақтастар

Халықаралық әріптестік:
Біртұтас Ресей (Ресей)[1]
Өңірлер партиясы (Украина)[2]

Жастар ұйымы

Жас Отан ЖҚ

Мүшелер саны

2018ж. 1 маусым бойынша 1010031

107

83

Сайты

http://nurotan.kz

"Нұр Отан" – Қазақстанның ірі саяси партиясы. 1999 жылы Президент Нұрсұлтан Назарбаевтің бастамасымен «Отан» партиясы атымен құрылды.

Аталуы[өңдеу]

2006 жылы 22 желтоқсанда «Отан» партиясының кезектен X съезінде, «Отан» Республикалық саяси партиясын «Нур Отан» Халықтық-демократиялық партиясы деп өзгерту туралы ұсыныс қабылданып, «Отан» РСП-ның Жарғысына өзгерістер мен толықтырулар енгізу туралы қаулы шығарылды.

Тарихы[өңдеу]

1998 жылғы 21 қазанда Қазақстан Республикасында «Президентке үміткер Нұрсұлтан Әбішұлы Назарбаевты қолдаудың қоғамдық штабы» қоғамдық қозғалысы тіркелді. Штаб сайлау науқаны кезінде саяси партиялар және қозғалыстармен бірге қызмет істеді. Штаб жұмысына белгілі мемлекет және саясат қайраткерлері – Терещенко С.А, Дунаев Г.И., Такуов Х.Ш белсене ат салысты. Тап сол кездері қоғамдық қозғалысты саяси партияға айналдыру туралы идея дүниеге келді. 1999 жылғы 19 қазанда жиналыс өтіп, «Қоғамдық штабты Республикалық «Отан» саяси партиясы» етіп өзгерту туралы шешім қабылданды. 1999 жылғы 12 ақпанда партия Қазақстан Республикасының заңнамасына сәйкес тіркеуден өтті. Міне осы күн Тәуелсіз Қазақстанның жаңа тарихындағы партия қызметінің өз жұмысын бастаған уақыты болып есептеледі.

Партия мұрағатында Республикалық «Отан» саяси партиясының мүшесі Нұрсұлтан Әбішұлы Назарбаевтың 1999 жылдың 22 ақпанымен белгіленген есеп кітапшасы мұқият сақтаулы.

1999 жылғы 1 наурызда партияның І құрылтай сьезі өтіп, онда Қазақстан Республикасының Президенті Нұрсұлтан Әбішұлы Назарбаев бірауыздан партия Төрағасы болып сайланып, Саяси кеңес, Орталық ревизия комиссиясының құрамы бекітіліп, партия Жарғысы қабылданды. Сонымен бірге сьезд делегаттары маңыздылығы жағынан тарихи болып саналатын «Отан» республикалық саяси партиясының, Қазақстан халықтар бірлігі партиясы, Қазақстанның демократиялық партиясымен, Қазақстанның либералдық қозғалысы, «Қазақстан – 2030» қозғалысымен бірігуі туралы қарарды қабылдады. 2002 жылғы 9 қарашада Алматы қаласында «Отан» республикалық саяси партиясының кезектен тыс IV съезінде «Отан» РСП-на Қазақстанның халықтық-кооперативтік партиясы мен Республикалық еңбек саяси партиясының қосылуы туралы шешім қабылданды. 2006 жылғы 4 шілдеде Астанада Республикалық «Отан» саяси партиясының кезектен тыс IX- съезі өтіп, «Асар» партиясының, ал, 2006 жылғы 22 желтоқсанда өткен кезектен тыс Х-сьезде Азаматтық және Аграрлық партиялардың «Отан» РСП қатарына қосылуы туралы шешім қабылданды.

Партияның Х - съезінде көпшілік дауыспен Қазақстанның жетекші саяси күшін «Нұр Отан» халықтық демократиялық партиясы етіп өзгерту туралы шешім қабылданды. 2008 жылғы 17 қаңтарда Елбасы – Партия Лидері Н.Ә.Назарбаевтың төрағалық етуімен «Нұр Отан» ХДП Саяси кеңесінің кеңейтілген отырысы өтіп, партияның халықтық платфомасын іске асырудың бағдарламасы қабылданды. 2008 жылғы 15 мамырда «Жас Отан» жастар қанатының І сьезі өтті.

2009 жылғы 9 қаңтарда Партия Орталық аппаратында Партиялық бақылау комитетінің бірінші ұйымдық отырысы өтті. 2013 жылғы 18 қазанда «Нұр Отан» Халықтық демократиялық партиясы «Нұр Отан» партиясы болып өзгертілді. Сол күні партияның жаңа Доктринасы қабылданды. Қазақстан Республикасы Парламенті Мәжілісі сайлауы қарсаңында 2016 жылғы 29 қаңтарда өткен кезектен тыс XVII Съезінде «Нұр Отан» партиясының – «Бірлік. Тұрақтылық. Жасампаздық» сайлау алды бағдарламасы әзірленді және қабылданды.

Басшылығы[өңдеу]

Партия төрағасы[өңдеу]

«Нұр Отан" партиясы төрағасының бірінші орынбасары[өңдеу]

«Нұр Отан» партиясының жарғысы[өңдеу]

Партия Жарғысы – ұйымдастыру мен қадағалау үшін ерікті түрде партия мүшелері қабылдаған толық ережелер жиынтығы. Партия деп – мемлекеттік биліктің, жергілікті өзін-өзі басқарудың өкілді және атқарушы органдарында азаматтардың, түрлі әлеуметтік топтардың мүддесін білдіру және оларды қалыптастыруға қатысу мақсатында олардың саяси еркін білдіретін Қазақстан Республикасы азаматтарының ерікті бірлестігі танылады. Партияның мақсаты - саяси жұмыс әдістерімен азаматтық қоғамның дамыған институттары, қазіргі заманғы бәсекеге қабілетті саяси жүйесі бар экономикалық мықты, демократиялық, зайырлы, құқықтық, әлеуметтік мемлекет құруға қол жеткізу. Партияның міндеттері:

  • мемлекеттік билік және жергілікті өзін-өзі басқару органдарына саяси көшбасшылар, партия мүшелерін даярлау, оларды қолдау және ұсыну;
  • партияның бағдарламалық және жарғылық мақсаттары мен міндеттерін халық арасында түсіндіру және насихаттау, өз қызметі туралы ақпарат тарату;
  • Қазақстан Республикасының заңнамасына сәйкес республикалық референдумдарға қатысу;
  • мемлекеттік билік және жергілікті өзін-өзі басқару органдарында партия және оның мүшелерінің, азаматтар мен түрлі әлеуметтік топтардың мүддесін қорғау; партия Бағдарламасына сәйкес әлеуметтік-экономикалық және саяси реформаларды жүргізуге қатысу, өмір сапасының ұлттық стандартын қалыптастыру;
  • кіші және орта кәсіпкерлікті, шаруа, фермер шаруашылықтарын қолдау; ұлтаралық және конфессияаралық келісім мен қоғамдағы тұрақтылықты нығайтуға жәрдемдесу;
  • заң жобаларының бүкілхалықтық талқылауларына қатысу; өкілді және атқарушы органдарға енгізу үшін қоғамдық пікірді зерделеу әрі заң және басқа да нормативтік құқықтық актілер жобаларына ұсыныстар әзірлеу, сондай-ақ нормативтік құқықтық актілердің жобаларын әзірлеу, оларды депутаттық бірлестіктер арқылы іске асыру;
  • қоғам мен мемлекет өмірінің әлеуметтік, экономикалық және өзге де салаларына жастарды біріктіруге жәрдемдесу;
  • белгіленген тәртіппен партия мүшелерін мемлекеттік марапаттауларға ұсыну;
  • партия мүшелерін моральдық тұрғыдан көтермелеу;
  • азаматтардың бойында жемқорлық фактілеріне төзімсіздікті тәрбиелеуге жәрдемдесу, билік органдарының қызметіне қоғамдық бақылауды жүзеге асыру.

«Нұр Отан» партиясының Бағдарламалық құжаттары[өңдеу]

  1. «Нұр Отан» партиясының Жарғысы
  2. «Нұр Отан» партиясының Доктринасы
  3. «Нұр Отан» партиясының Сайлауалды бағдарламасы
  4. 2015 – 2025 жылдарға арналған Сыбайлас жемқорлыққа қарсы іс-қимыл бағдарламасы
  5. Партиялық жобалар
  6. «Жас Отан» Жастар қанатының 2020 жылға дейінгі «Жаңа буынның жетістік жолы «Жастар-Отанға!» бағдарламасы
  7. Қазақстан Республикасының заңдарын жетілдіруге арналған ұсыныстарды қалыптастыру Ережесі

«Нұр Отан» партиясының идеологиясы[өңдеу]

2013 жылы қабылданған доктринасында «Нұр Отан» партиясы - "қоғамды ұйыстыратын және Елбасының мемлекеттік бағытын жүзеге асыруды қамтамасыз ететін басым саяси күш" -деп айтылған. Доктринаға сәйкес партияның идеологиясындағы басты құндылықтар:

  • Басты құндылық - адам
  • Бостандық
  • Заңның үстемдігі
  • Әділеттілік
  • Ынтымақшылдық
  • Болашаққа ұмтылыс
  • Отбасы және Дәстүр

Оқиғалар[өңдеу]

  • I біріктіруші съезд: Алма-Ата, 1 наурыз 1999 жылы. Өкілдер бірауыздан Н.Назарбаевті партияның бірінші төрағасы етіп сайлады.
  • «Нұр Отан» партиясының II кезектен тыс съезі: Алматы, 18 тамыз 1999ж. өтті
  • «Нұр Отан» партиясының III съезі: Алматы, 20 сәуір 2001ж. өтті
  • «Нұр Отан» партиясының IV съезі: Алматы, 9 қараша 2002ж. өтті
  • «Нұр Отан» партиясының V съезі: Алматы, 12 шілде 2003ж. өтті
  • «Нұр Отан» партиясының VI съезі: Астана, 12 наурыз 2004ж. өтті
  • «Нұр Отан» партиясының VII съезі: Астана, маусым 2004ж. өтті
  • «Нұр Отан» партиясының VII съезі: Астана, 18 шілде 2004ж. өтті
  • «Нұр Отан» партиясының VIII съезі: Алма-Ата, 9 қыркүйек.
  • «Нұр Отан» партиясының IX съезі: Астана, 4 шілде 2006 — «Нур Отан» және «Республикалық Асар партиисының» (200 мың мүше) бірігуі
  • 2006 жылдың 22 желтоқсанында —Қазақстанның Азаматтық партиясы ( 150 мың мүше) «Отан» партиясына қосылды.
  • «Нұр Отан» партиясының Х съезі: 22 желтоқсан 2006ж. өтті
  • 2006 жылдың 22 желтоқсанында— Қазақстанның Аграрлық партиясы (130 мың мүше) «Отан» партиясына қосылды.
  • «Нур Отан» партиясының XI съезі 4 шілде 2007ж. өтті
  • «Нұр Отан» партиясының XII съезі: 15 маусым 2009ж. өтті
  • «Нұр Отан» партиясының XIV съезі 25.11.2011ж. өтті
  • «Нұр Отан» партиясының кезектен тыс XV съезі 18 қазан 2013ж. өтті
  • «Нұр Отан» партиясының XVI съезі 11 наурыз 2015ж. өтті
  • «Нұр Отан» партиясының XVII съезі 29 наурыз 2016ж. өтті

«Нұр Отан» партиясының Халықаралық ынтымақтастығы[өңдеу]

ТМД[өңдеу]

  • Әзірбайжан («Ени Азербайджан»)
  • Моңғолия (Моңғолия халық партиясы)
  • Ресей (“Единая Россия”)
  • Тәжікстан (Тәжікстанның Халықтық-Демократиялық партиясы)

Оңтүстік-Шығыс Азия =[өңдеу]

  • Вьетнам (Вьетнам Коммунистік партиясы)
  • Қытай (Қытай Коммунистік партиясы)
  • Оңтүстік Корея («Еркін Корея» партиясы)
  • Жапония (Жапонияның Либералды-демократиялық партиясы)

Еуропа[өңдеу]

  • Еуропалық халықтық партиясы
  • Ұлыбритания (Ұлыбританияның консервативтік партиясы)
  • Германия (Христиандық демократиялық одағы)
  • Франция («Республикандықтар»)

АСПХК[өңдеу]

  • 2008 жылдан бері «Нұр Отан» партиясы Азия саяси партияларының халықаралық конференция¬сының тұрақты мүшесі (АСПХК)

Дереккөздер[өңдеу]

  1. Сотрудничество «Нур Отана» и «Единой России». Новости политических партий России и СНГ
  2. Партія регіонів та казахстанська партія НДП "Нур Отан" підписали документ про співробітництво — офіційний сайт Львівської регіональної організації Партії Регіонів

Сыртқы сілтемелер[өңдеу]