Амандос Әтибекұлы Ақанаев

Уикипедия — ашық энциклопедиясынан алынған мәлімет
Jump to navigation Jump to search

Амандос Әтибекұлы Ақанаев — кескіндемеші.

1948 жылы 19 қарашада Алматы облысы Мичурин атындағы кентте туған. Қазақ.

Әкесі - Ақанай Әтибек, марқұм, шопан болған. Анасы - Ақанаева Бибіхан (1912 жылы туған ), халықтық өнердің ісмер-шебері.

Н.В.Гоголь атындағы Алматы көркемсурет училищесінің кескіндеме факультетін бітірген (1968), суретші. ҚР Көркемөнер академиясының толық мүшесі (2006 жылдан).«Дәстүрлік емес» стильдің және ол бірінші рет станок шығармаларға ендірген рельефтік кескіндеме технологиясының негізін қалаушы.

Кескіндемедегі жаңа бағыттың - рельефтік стильдің және «Ақанаев династиясы» мектебінің негізін салушы. Ол металл, тоқыма, ағаш және басқа материалдардан алынатын мүсіндік элементтерді кескіндеме тініне табиғи қабыстыра енгізеді.

А. Ақанаевтың ұсыныстары негізінде ҚР Көркемөнер академиясының бағдарламаларында жоғары мүдделі жобалар қатары жүзеге асырылуда, атап айтқанда «Қазақстан номадтарының қорғандық кешендері мен тастан қашаған өнімдері» жобасы.

Бейнелеу өнерінің түрлері - дизайн, монументалдық өнердің сәулеті, кескіндеме, мүсін. Жұмыстары әлемнің және ТМД ең ірі мұражайларының коллекцияларында: Мемлекеттік Третьяков галереясында, Шығыс мұражайында (Мәскеу қаласы), Ә. Қастеев атындағы Мемлекеттік өнер мұражайында (Алматы қаласы), Президенттің мәдениет орталығында (Астана қаласы); Астана, Павлодар, Көкшетау қалалары мұражайларының, Виллафамес Қазіргі өнер мұражайының (Испания), Балтимор өнер мұражайының (АҚШ) коллекцияларында; сондай-ақ АҚШ, Германия, Ресей, Англия, Франция, Бельгия, Италия, Швеция,Швейцария, Лихтенштей, Дания, Үндістан, Пәкстан, Египеттіңжеке коллекцияларында сақталуда.

Шығармалары отандық, шетелдік және халықаралық көрмелерде экспонатталады (1968 жылдан).

1968 жылдан - Н.В. Гоголь атындағы Алматы көркемсурет училищесінде кескіндеме мен композицияның, кескіндеме мен графика технологиясының оқытушысы. КСРО (1978), ҚР Суретшілер одағы басқармасының; ҚР Көркемөнер академиясының бас сарапшысы (2006 жылдан); ЮНЕСКО жанындағы Сыншылар мен өнертанушылардың халықаралық қауымдастығының (АІСА, 1986) мүшесі.

ҚР Әдебиет және өнер саласындағы мемлекеттік сыйлығының лауреаты (2010). КСРО Суретшілер одағының көптеген грамоталарымен, сыйлықтарымен (1978-1987), ҚазКСР Жоғарғы Кеңесінің құрмет грамоталарымен (1981) марапатталған. КСРО Көркемөнер академиясының стипендиаты. World Master (2010). Алматы облысы Талғар ауданының Құрметті азаматы (2010). Қазақстанның Еңбек сіңірген кайраткері (2001).

Үйленген. Жұбайы - Лаура Сәйкенқызы Оразбекова (1949 жылы туған), суретші. Қызы - Ақанаева Ботагөз (1971 жылы туған); ұлдары - Ақанаев Руслан (1968 жылы туған), Ақанаев Ескендір (1974-2009). Немерелері - Аспарух (1987 жылытуған), Мұхит (1989 жылы туған), Рада (2000 жылы туған), Александра (2001 жылы туған), Глеб (2002 жылы туған).[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2