Арал-Азия-Қазақстан
"Арал-Азия-Қазақстан" - Қазақстан Жазушылар одағы жанынан ақын М.Шахановтың бастамасымен Арал, Балқаш және Қазақстан экологиялық проблемеларын шешуге атсалысатын қоғамдық комитет ретінде 1987 жылы құрылған. Негізгі мақсаты - Арал аймағындағы экологиялық және әлеуметтік ахуалды жақсартуға көмектесу. Республикадағы экологиялық дағдарыс мәселелеріне қоғамның назарын аударуды көздеді. 1991 жылы "Арал-Азия-Қазақстан" халықаралық комитеті деген атпен қайта құрылды. Арал теңізі мәселелері бойынша аймақтық және халықаралық конференциялар ұйымдастырды. Әлемдік инфрақұрылымдық қор Арал аймағындағы көмекке зәру нақтылы нысандарды іріктеді. Комитет Аралды сақтап қалу, экологиялық жағдайды жақсарту, әлеуметтік көмек көрсету бағытында қарқынды жүмыстар тындырды. Комитет бастамасымен Арал және Қазақстан экологиясы мәселелерін қарастыратын қоғамдық академия құрылып, халықаралық "Арал сыйлығы" ұйымдастырылды.