Аслан Жақсылықов

Аслан Жақсылықов - 1954 жылы Шығыс Қазақстан облысының Самар селосында туған. 1979 жылы Қазақ мемлекеттік университетінің филология факультетін тамамдаған.

• 1979 — 1990 жылдары Қазақ Мемлекеттік Қыздар педагогика институтының әдебиет кафедрасында қызмет етіп,
• 1984 жылы кандидаттық диссертация қорғаған.
• 1990 жылдан бері Әл-Фараби атындағы Қазақ Ұлттық университетінде қазақ әдебиеті кафедрасының доценті,
• 1999 жылы «Қазақ әдебиеті шығармаларындағы діни мазмұндағы бейнелер, сарындар және идеялар (топология, эстетика, генезис) тақырыбында докторлық диссертация қорғады.
• 2000 — 2005 жылдары қазақ әдебиеті кафедрасының,
• 2005 жылдан көркем аударма теориясы және әдеби шығармашылық кафедрасының профессоры.

Шығармашылығы

1998 жылы «Қазақ университеті» баспасынан «Көркем әдебиеттегі діни сарындар» атты кітабы шықты.

• «Образы, мотивы и идеи с религиозной содержательностью в произведениях казахской литературы» монографиясының (1999),
• «Қазақ әдебиетінің тарихы бойынша практикум» (С.Есенбековпен бірге, 2001),
• «Аударма теориясы мен практикасы бойынша библиографиялық анықтамалық» (С.Есенбековпен бірге, 2007), т.б. оқулықтардың, «Сны окаянных» трилогиясының (2005), «Философия всеединства и саморегуляции» (1994) зерттеу еңбектерінің, бірнеше роман, әңгіме, повестердің авторы. 1998 жылғы Буккер әдеби конкурсының жүлдегері («Поющие камни» романы үшін).

Сондай-ақ қазіргі қазақ прозасының аудармашысы. Смағүл Елубайдың «Ақ боз үй» трилогиясын, Ә.Нүрпейісовтің «Қан мен тер» трилогиясының жаңа басылымының бірнеше тарауын орыс тіліне аударған.