Астық қоңыздары

Уикипедия — ашық энциклопедиясынан алынған мәлімет
Jump to navigation Jump to search
Астық қоңыздары
Anisoplia agricola
Ғылыми топтастыруы
Дүниесі: Жануарлар
Жамағаты: Буынаяқтылар
Табы: Жәндіктер
Сабы: Қатты қанаттылар‎
Тұқымдасы: Scarabaeidae
Тегі: Anisoplia

Астық қоңыздары (лат. Anisoplia) – тақта мұртты қоңыздар тұқымдастарының туысына жататын қоңыздар. Еуразияда таралған, ТМД—да 26 түрі белгілі. Қоңыздар өсімдік гүлдері және дәнді дақылдардың пісуге айналған дәндерімен қоректенеді. Маусым, шілдеде ұшады. Жұмыртқаларын топыраққа салады; көптеген түрлері егіндік топырағына жұмыртқалайды. Дернәсілдері өсімдік қалдықтарымен қоректенеді. Орталық және Оңтүстік Еуропада, Батыс Сібірде кресттасушы астық қоңызы таралған. Дене ұзындығы 10—14 мм, алдыңғы қанаттары жирен, крест тәрізді қара жолақтары бар. Шығыс Еуропа мен Кавказда астық қоңызы таралған. Оның дене ұзындығы 13—20 мм. Екі жылда бір рет тұқым береді. Қоңыздардың қалың жылдары егін шаруашылығы көп зиян шегеді.[1]

Дереккөздер[өңдеу]

  1. Орысша-қазақша түсіндірме сөздік: Биология / Жалпы редакциясын басқарған профессор Е. Арын – Павлодар: 2007 - 1028 б. ISBN 9965-08-286-3