Асқаров атындағы көше (Алматы)

Көшеге қазақтың арда ұлы, аса көрнекті мемлекет және қоғам қайраткері, жазушы, ақын Асанбай Асқаровтың есімі (Алматы қаласы мәслихаты мен әкімшілігінің бірлескен 06.04.2004 № 2/270 шешімі) берілген. Асқаров Асанбай - Алматы қалалық атқару комитетінің төрағасы, Алматы, Жамбыл, Шымкент облыстарының бірінші хатшысы қызметтерін атқарған, Қазақстанның өркендеуіне өлшеусіз үлес қосқан қайраткер. Оның ел тарихына қатысты көркем-әдеби, публицистикалық еңбектері бар.

Көше Әуезов ауданында орналасқан. Тимирязев, Желтоқсан, Досмұхамедов, Виноградная, Арычная, Ратушный, Зверев көшелерімен қиылысады. Бұрынғы атауы - Безымянная көшесі. Көшенің ұзындығы - 700 метр.