Асқар Ақаев

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Президенттер Нұрсұлтан Назарбаев, Асқар Ақаев, Ислам Каримов Бішкек Декларациясы қабылданғаннан соң. Бішкек 1997 жылы

Асқар Ақаев (10 қараша 1944 жылы туған, Қырғызстан, Шу облысы, Кемин ауданы Қызыл байрақ ауылы) — Қырғыз Республикасының тұңғыш Президенті, қоғам қайраткері. Техника ғылымдарының докторы, профессор. Қырғыз Республикасының Ғылым Академиясының академигі (1984).

Өмірбаяны[өңдеу]

  • Ленинград механика және оптика институтын бітірген (1967).
  • Бішкек политехникалық институтында ұзақ уақыт ғылыми және ұстаздық қызмет атқарды.
  • 1981 жылы Мәскеу инженер-физика институтында докторлық диссертация қорғады.
  • 1986 жылы Қырғызстан компартиясы ОК-нің ғылым және оқу орындары бөлімінің меңгерушісі қызметіне шақырылды.
  • 1987 жылы Қырғызстан Ғылым Академиясының вице-президенті, ал 1989 жылы президенті болып сайланды.
  • 1990 жылдың қазан айында Қырғызстан Жоғарғы Кеңесінің кезектен тыс 2-сессиясында Қырғыз Республикасының Президенті болып сайланды.
  • 1991 жылы бүкілхалықтық сайлауда және 1995 жылдарда өткізілген референдумда Қырғыз Республикасының Президенті өкілеттілігі қуатталды. 1995 жылы 24 желтоқсанында екінші мерзімге қайта сайланды. 2000 жылғы 29 қазанда үшінші мерзімге қайта сайланады. 2003 жылғы ақпанда референдум арқылы президенттік өкілеттігі ұзартылды.
  • 2005 жылғы 24 наурыздағы "Қызғалдақ төңкерісі" нәтижесінде елден кетті. 2005 жылғы 11 сәуірде - Қырғызстан Жогорку Кенеші Ақаевтың отставкасын қабылдады.
  • 2005 жылғы сәуірден - И. Р. Пригожин атындағы күрделі жүйелерді математикалық зерттеу институтының бас ғылыми қызметкері, Мәскеу мемлекеттік университетіні профессоры.
  • 2009 жылдан - Ресей ғылым академиясы Төралқасының бағдарлама үйлестіруішісі.

Ғылыми еңбектері[өңдеу]

150-ден астам ғылыми еңбектің, оның ішінде 15 монография, оқулықтар мен оқу құралдарының авторы.

  • Кванттық электроника
  • голография
  • ЭВМ мәліметтерін оптикалық өңдеу мәселелерін ғылыми негіздеген.

Қосымша лауазымдар[өңдеу]

  • Нью-Йорк академиясының мүшесі
  • Ислам және т.б. шетел академияларының мүшесі
  • Мәскеу мемлекеттік университетінің құрметті профессоры (1992).
  • Білім беру, индустрия және өнертану ғылымдарының халықаралық академиясы қырғыз филиалының құрметті мүшесі болып сайланды.
  • Халықаралық инженерлік академияның Құрметті академигі атағы.

Марапаттары[өңдеу]

  • 1991 жылы халықтар арасындағы бейбітшілік пен достықтың нығаюына, ғылым мен мәдениеттің өркендеуіне қосқан зор үлесі үшін “Латын Америкасы бірлігі үшін” Ассоциациясының “Гранд Кросс (Үлкен Крест) бостандық және бірлік үшін” орденімен марапатталды.
  • 1995 жылы егемен мемлекеттің қалыптасуына сіңірген зор еңбегі үшін кезінде Дж. Нерудің ұсынысымен құрылған Халықаралық бірлік қорының сыйлығы.
  • 1996 ж. маусымда Кранс-Монтана дүние жүзінің форумының сыйлығына ие болды.[1]

Дереккөздер[өңдеу]

  1. Қазақ энциклопедиясы I том
Ортаққорда бұған қатысты медиа файлдар бар: Category:Askar Akayev