Африкалық цивета

Уикипедия — ашық энциклопедиясынан алынған мәлімет
Jump to navigation Jump to search

Африкалық цивета[өңдеу]

Африкалық цивета - тек тропикалық Африкада тіршілік ететін сүтқоректі. Африкалық циветаның бет-әлпеті - итке, дене-бітімі мысыққа үқсайды, бірақ аяқтары - қысқа, ұзын әрі ішке қарай бүгілген тырнақтары болады. Циветалардың қылшықты жүні қысқа, қалың әрі қатты, түсі әртүрлі келеді. Қара, сарғылт және ақ түсті теңбіл дақтары мен түрлі көлемдегі жолақтары болады. Ақ түсті бет-әлпеті мен көзінің айналасындағы қара дақтары оның түрін жанатқа ұқсатады. Африкалық цивета сахаралық Африка мен Ботсвананы, дейді. Намибия мен Оңтүстік Африканы мекендейді Денесінің ұзындығы - 44 - 58 см. Салмағы 1,7 - 2,1 келі арасында. Құйрығы-жуан, ұзындығы – 46-62 см, қүйрық жүні денесінің жүніне қарағанда қаралау болады. Өлекселермен, кеміргіштермен, құстармен, бауырымен Жорғалаушылармен, бақалармен, жәндіктер және түрлі өсімдіктермен қоректенеді. Көбінесе түнде белсенді, бірақ бұлтты күндері таңертеңгілік мезгілде де ояу жүреді. Күн батардан екі сағат бұрын қозғалысын бастап, түн ортасына дейін тыным таппайды. Өзіне тән төрт түрлі дыбыс шығарады: ырылдайды, жөтеледі, шыңғырады және « һа-һа-һа » деп аһылдайды. Соңғысын өзге циветталарды шақыру үшін қолданады. Африкалық циветта орта есеппен 15-20 жыл өмір сүреді. Бір жасынан бастап ересек өмірге араласады.

Дереккөздер[өңдеу]

Ж 24 Жануарлар. – Алматы: “Aруна” баспасы. – 208 бет. – Сер.: “1100 қызықты деректер”. ISBN 978-9965-26-546-4