Ахмет Неджет Сезер

Уикипедия — ашық энциклопедиясынан алынған мәлімет
Навигацияға өту Іздеуге өту

Ахмет Неджет Сезер

Сезер Ахмет Неджет (13.9. 1941 жылы туған, Афион қаласы) – саяси қайраткер, Түркия Республикасының 10-президенті (2000 – 07). Афион лицейін, Анкара университетінің құқықтану факультетін (1962) бітірген. Осы жылы Анкара қаласының сотының орынбасары қызметіне тағайындалды. Әскери қызметті әскери училищеде оқып, запастағы лейтенант шенінде аяқтады. Көбінесе, әкімшілік істер мен арбитраждық істер соттарында қызмет атқарды. Құқықтану негіздері саласы бойынша Анкара құқықтану факультетінде магистратура бітірген. (1978). Түркия Республикасы арбитражының мүшелігіне сайланып (7.3.1983), 1988 жылы байқаулық негізде Түркия Республикасы Конституциялықбақылау мекемесінің негізгі мүшелігіне бекітілді. 1998 жылы 6 ақпанда Конституциялық бақылау мекемесінің президенттігіне сайланды. 2000 жылы 16 мамырда Түркия Республикасы Ұлы Ұлттық мәжілісінде (парламент) көпшілік дауыспен Түркия Республикасының Президенті болып сайланды. Түркияның сайлау дәстүріндегі президенттер саясаткерлер не әскерилер арасынан ғана сайланып келсе, Сезер бұл екі мамандықтан тыс сайланған тұңғыш президент. Сезер бұқаралық ақпарат құралдары өкілдеріне берген алғашқы сұқбатында елде демократиялық қарым-қатынасты өркендетуге кірісетіндігін мәлімдеді. Мемлекет басшысы ретінде ол бірнеше рет Қазақстанда ресми сапарлармен болып қайтты.

Сезар Владимир Путин және Нұрсұлтан Назарбаевпен

[1]

Сілтемелер[өңдеу | қайнарын өңдеу]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том