Ашаршылық құрбандарына арналған ескерткіш (Павлодар)

Уикипедия — ашық энциклопедиясынан алынған мәлімет
Jump to navigation Jump to search
Ашаршылық құрбандарына арналған ескерткіш
Жалпы мәлімет
Орналасуы

 Қазақстан, Павлодар

Ашылған уақыты

2012 жыл 31 мамыр

Техникалық сипаттамасы
Ауданы

22 м

Дизайны мен құрылымы
Сәулетшісі

Марат Абылкасимов

Ашаршылық құрбандарына арналған ескерткішПавлодар қаласының кіреберісіндегі ескі мұсылман зиратының алдына орнатылды.

Тарихы[өңдеу]

Қазақстанның басқа да аймақтары секілді, Павлодар өлкесі – ХХ ғасырдағы тоталитарлық жүйенің езгісінің кесірін бастан кешірген аймақ. Тоталитарлық жүйенің қазақ халқына, оның ғасырлар бойы қалыптасқан шаруашылық қалпы мен кәсіптік дәстүрлеріне қарсы бағытталған жаппай отырықшыландыру, ұжымдастыру және өнім қабылдау жоспарлары бойынша саясаты мен іс-шаралары қазақ тарихында бұрын-соңды болмаған аштыққа алып келді. Осы аштықтың кесірінен көп адам қырылып, соңы ұлттық трагедияға ұласты. ХХ ғасырдың 20-30-жылдары Павлодар облысында аштықтан 300 мыңнан аса адам көз жұмған. Павлодар қаласында өткен ғасырдың 30 жылдарында ашаршылықта құрбан болған жандарға арналған ескерткіш 2012 жылғы 31 мамырда ашылды. Бұл зиратта 1932-1933 жылдары ашаршылықтан қаза болғандар жерленген.

Сипаттамасы[өңдеу]

Ескерткіште жүдеу әйел мен жылап жатқан бала бейнеленген. Бетон қабырғасы ортасында жартылай қиратылған шаңырақ орналасқан. Бұл қазақ халқының ауыр халың көрсетуде. Ескерткіштің ауданы 22 м, мүсіннің биіктігі шамамен 3 м.[1]

Дереккөздер[өңдеу]

  1. Қазақстанның өңірлік қасиетті нысандары. — Астана: Фолиант, 2017. — 504 б.