Ағашжегі

Ағашжегі
	; Cossula magnifica (Cossulinae)
Ғылыми топтастыруы
Дүниесі:	Жануарлар;
Жамағаты:	Буынаяқтылар;
Табы:	Жәндіктер;
Сабы:	Қабыршақ қанаттылар‎;
Ұлы тұқымдасы:	Cossoidea;
Тұқымдасы:	Cossidae; Leach, 1815
түрлері
	670 түрі белгілі

Ағашжегі немесе Бұрама ағылш. Cossіdae) – қабыршаққанаттылар отряды, түн көбелектерінің бір тұқымдасы^[1]

Негізінен Азия мен Африканың тропиктік аймақтарында 800-ден астам түрі, Қазақстанның барлық облыстарында 10-нан астам түрі кездеседі, ең көп тарағаны – Сексеуіл ағашжегі мен Иісті ағашжегі.

Биологиялық сипаттамасы

Дене тұрқы кішкентай, қанатының жайылғандағы ұзындығы 23 – 85 мм.

Ағашжегінің жұлдызқұрты ағаштың өркендерін тесіп, ішін бойлай ұзын жолдар салады да, сонда қыстап шығады. Өсімтал келеді. Маусым – шілде айларында ұшып шығып, кейде 1000 жұмыртқаға дейін салады. Жұлдыз құрттары ағаштың діңін, бұтағын мекендеп, оның сүрегімен қоректеніп, жапырағын, өркенін зақымдайды. Жұлдыз құрты үшінші жылы қуыршаққа айналып, одан көбелек шығады.

Ағаш жегінің жұлдыз құрты көп зақымдаған ағаш өспей қалады. Оны құрту үшін көктемде, күзде ағаштың түп жағына көң араласқан әк жағып, құрт жолдарына гексохлоран себу керек. Зақымданған ағашты кесіп, өртеу қажет.

Даму циклі 2 – 3 жыл.

Ағашжегі түскен ағаштар кейде қурап қалады. Әсіресе жас жеміс беретін ағаштарға көп зиян келтіреді.^[2]

Күрес шаралары

ағаш түбіне топырақ, көң, әк қоспасын жағады да, құрт жолдарына әр түрлі улы ерітінділер бүркеді;
зақымданған ағашты не ағаш бұтақтарын қырқып алып тастайды.