Ақиқа
.jpg)
Ақиқа (араб.: عقيقة) — араб тілінде «кесу, қию» мағынасын беретін «иқ» (араб.: عقّ) сөзінен шыққан және негізінде жаңа туған нәрестенің шашына қолданылады. Шариғатта: нәресте туғаннан кейін оның шашы қиылғанда мал сойып, құрбан шалу. Және бұл баланың ата-анасындағы ақысы саналады[1]. Бірнеше хадистерге сәйкес ақиқа бекітілген сүннет саналады. Мысалы:
«Әрбір бала ақиқасымен кепілге алынған, оған жетісінде мал сойылады, есімі қойылып, шашы қиылады»
— Ахмад 5/7,8,12; Әбу Дәуд 2837; Имам әт-Тирмизи 1522; Ән-Нәсәи 7/166; Әл-Хаким, хафиз әз-Зәһәби және шейх әл-Албани сахих деген
Ақиқа шарттары[өңдеу | қайнарын өңдеу]
Ақиқаны бала туған соң жеті күннен бастап балиғат жасына жеткенге шейін орындауға болады. Сүннет бойынша ер балаға екі қой, қыз балаға бір қой сойылу керек. Және осы күні балаға ат қойылу керек. Есім таңдағанда жақсы мағыналысын таңдап, жаман мағына беретіндерімен атаға болмайды. Ибн Омардан келген хадиске[2] сәйкес ең жақсы аттар: Абдуллаһ (араб.: عبد الله) пен Әбдуррахман (араб.: عبد الرحمان). Сүннет бойынша баланың ата-анасы ақиқа күні қиылған шашты өлшеп, сол мөлшердегі күміспен садақа ету керек. Пайғамбар (Аллаһтың оған салауаты мен сәлемі болсын) немересі Хасанға ақиқа жасағанда айтқан:
«Йә, Фатима, оның шашын қи да сол мөлшердегі күміспен садақа бер»
— Ахмад 6/390,392; Имам Малик «Муаттада» (309-шы бет); Имам әт-Тирмизи 1519; және басқалар
Имам әт-Тирмизи келтірген хасан хадсте[3] Пайғамбардың (Аллаһтың оған салауаты мен сәлемі болсын) Хасан ибн Әли туғанда оның оң құлағына азан айтып, сол құлағына қамат айтқан[1].
Дереккөздер[өңдеу | қайнарын өңдеу]
- ↑ a b «Әл-фиқһ әл-муяссар фи дау әл-Китаб уәс-Сунна»(қолжетпейтін сілтеме)
- ↑ «Сахих Муслим» 3/1682
- ↑ Әт-Тирмизи (1514); Шейх әл-Альбани хасан деген («Сахих әт-Тирмизи», 1224)