Ақшақар және жеті ергежейлі (мультфильм, 1937)
| Ақшақар және жеті ергежейлі | |
| Snow White and the Seven Dwarfs | |
_poster.jpg) Густаф Тенггрен салған кинотеатрлық прокатқа арналған постер | |
| Мультфильм түрі |
толықметражды мультфильм |
|---|---|
| Жанры | |
| Режиссёрлері |
Дэвид Хэнд, Уильям Коттрелл, Уилфред Джексон |
| Продюсері | |
| Сценарийдің авторлары |
Тед Сирс, Отто Ингландер, Эрл Хёрд |
| Қоюшы суретшілер |
Кен Андерсон, Чарльз Филиппи |
| Рөлді дыбыстағандар |
Адриана Казелотти, Люсиль Ла Верн, Гарри Стоквелл |
| Композиторлар |
Фрэнк Черчилль, Ли Харлайн, Пол Смит |
| Аниматорлары |
Норман Фергюсон, Гамильтон Ласк, Фред Мур, Владимир Титла |
| Студия | |
| Мемлекет | |
| Дистрибьюторы |
RKO Radio Pictures |
| Тілі | |
| Ұзақтығы |
83 мин |
| Премьера |
21 желтоқсан 1937 |
| Бюджеті |
1 488 423 $ |
| Кассалық түсімі |
418 200 000 $ |
| IMDb | |
| Rotten Tomatoes | |
«Ақшақар және жеті ергежейлі» (ағылш. Snow White and the Seven Dwarfs) — режиссер Дэвид Хэндтің басшылығымен «Walt Disney Productions» студиясы 1937 жылы шығарған музыкалық фэнтези жанрындағы анимациялық фильм. Бұл туынды ағайынды Гриммдердің осы аттас ертегісіне негізделген және кинематограф тарихындағы тұңғыш толықметражды дыбысты түрлі-түсті (Technicolor) анимациялық туынды болып табылады.[1]
«Ақшақар және жеті ергежейлі» мультфильмін өндіру процесі үш жылдан астам уақытқа созылды. Сол кездегі киноиндустрия өкілдері бұл жобаның сәтті болатынына сенбей, оны «Диснейдің ақымақтығы» (Disney's Folly) деп атаған. Алайда, Уолт Дисней барлық қаржылық қиындықтарға қарамастан жобаны аяғына дейін жеткізді. Фильмді жасау барысында аниматорлар адам қозғалысын шынайы беру үшін «ротоскопия» әдісін және кадрға тереңдік беру үшін көп жоспарлы камераны (multiplane camera) қолданды.
Фильмнің премьерасы 1937 жылдың 21 желтоқсанында Лос Анжелес қаласындағы «Carthay Circle Theatre» кинотеатрында өтті. Бюджеті 1,5 миллион долларға жуық болған туынды прокатта 418 миллион доллардан астам қаражат жинап, сол кезеңдегі ең табысты фильмдердің біріне айналды. Инфляцияны есепке алғанда, бұл туынды Солтүстік Америка кассасындағы ең табысты он фильмнің қатарына кіреді. Қазіргі құнға шаққандағы $2 297 000 000 табысымен ол әлі күнге дейін тарихтығы ең көп пайда әкелген анимациялық фильм болып саналады. Әлемдік деңгейде де инфляцияны есептегендегі табысы бойынша анимациялық фильмдер тізімінде көш бастап тұр. 1939 жылы Уолт Дисней бұл туындысы үшін арнайы «Оскар» сыйлығымен марапатталды. Академия оның анимация саласындағы жаңашылдығын бағалап, бір үлкен және жеті кішкентай мүсінше табыстады.
Туынды әлемдік мәдениет пен кино өнеріне зор ықпал етті. Әсіресе, фильмдегі Фрэнк Черчилль мен Ли Харлайн жазған «Someday My Prince Will Come» және «Heigh-Ho» әндері классикалық музыкалық туындыларға айналды. 1989 жылы АҚШ Конгресс кітапханасы бұл фильмді «мәдени, тарихи немесе эстетикалық құндылығы жоғары» деп танып, Ұлттық фильмдер тізіліміне енгізді.[2]
«Ақшақар және жеті ергежейлі» барлық уақыттағы ең үздік анимациялық фильмдердің бірі болып саналады және Америка кино өнері институтының (AFI) нұсқасы бойынша ең үздік 10 анимациялық фильмнің көшін бастап тұр.
Қазақша дыбыстаған
[өңдеу | дереккөзін өңдеу]- Назерке Серікболова — Ақшақар
- Жанаргүл Жаныаманова — Ақшақар (ән айту)
- Тимур Пиязов — Ханзада, Түшкiршек
- Гүлназ Әуесбаева — Патшайым
- Еркеш Жүнісова — Мыстан
- Бақытжан Қаюов — Ақылды
- Болат Момынжанов — Жұбаншақ
- Рүстем Жаныаманов — Ұйқышыл
- Мелс Жақыпберді — Күлегеш
- Мадияр Серікбаев — Ұялшақ
- Орынбасар Тазабеков — Сиқырлы айна
- Әлихан Лепесбаев — Аңшы
Дереккөздер
[өңдеу | дереккөзін өңдеу]- ↑ Chaffee, Keith A Week to Remember: International Animation Day. Los Angeles Public Library. (October 28, 2019). Басты дереккөзінен мұрағатталған 11 тамыз 2023. Тексерілді, 14 қаңтар 2024.
- ↑ Film Registry Picks First 25 Movies, Los Angeles Times (September 19, 1989).
Сыртқы сілтемелер
[өңдеу | дереккөзін өңдеу]- Ақшақар және жеті ергежейлі (мультфильм, 1937) (ағыл.) Internet Movie Database сайтында
| ||||||||||
