Базархан Рүстембаев

Базархан Рүстембаев (28 наурыз 1960 жылы туған, Жуалы ауданы Бурное селосы) – ғалым, экономика ғылымының докторы Қазақ ауыл шаруашылығы институтын бітірген (1982). Еңбек жолын аталмыш институттың комсомол комитетінің хатшысы болып бастап, Қазақстан ЛКЖО Орталық комитетінде, Жамбыл облысы комсомол комитетінде жалғастырады. Қазақ мемлекеттік ауыл шаруашылығы институтының механикаландыру факультетінде ассистент, доцент, институттың проректоры болды. ҚР Жастар және туризм мен спорт жөніндегі Министрліктің Бас басқармасының бастығы, Қазақ ауыл шаруашылығы академиясы ғылым кадрлар бөлімінің бастығы, Қазақ мемлекеттік аграрлық университетінің жастар ісі жөніндегі төрағасы, мал шаруашылығын механикаландыру кафедрасының доценті, осы университеттің инженерлік оқу-ғылыми өндірістік кешені жетекшісінің орынбасары болып істеді. Рүстембаевтың 100-ден астам ғылыми еңбектері бар, бес патенттің иесі.^[1]