Балық сөзі

Балық — Орхон-Енисей жазуларында кездесетін, қала, кент деген мағынадағы сөз, 6—7 ғасырлардағы қалаларға қойылған ат.

Қолданылған кезі 6—15 ғасырлар арасы. Іле-балық — осы күнгі Іле өз-нің аяқ шенінде, Бесбалық Хан Тәңірі тауының солтүстік жағында, Үрімжіге көрші тұрған Гушен қаласының қасында болған, ал Ханбалық — Шыңғыс хан империясы дәуіріндегі Пекин қаласының аты. Шу бойындағы Баласағұн қаласының аты — Құбабалық (Құбалық) — әдемі қала дегенді білдіреді. Солтүстік Ауғанстандағы Балх қаласы да осы сөзбен байланысты болуы мүмкін. Ертеректе оны бактриялықтар астана етсе, кейін Кушан патшалығы, ғазнеуиліктер, салжұқтар, Темір ұрпақтары, Бұхар хандары астана етті.