Батырхан Құрмансейіт

Батырхан Құрмансейіт (クルマンセイト・バトルハン, 1 шілде 1975, Түлкібас ауданы, Түркістан облысы, Қазақстан) — Жапонтанушы, аудармашы, дипломат, Халықаралық қатынастар мамандығы бойынша PhD докторы. Л.Н.Гумилёв атындағы Еуразия ұлттық университетінің Құрметті профессоры. Қазақ, орыс, ағылшын және жапон тілдерін біледі.

Білімі

Әл-Фараби атындағы Қазақ Ұлттық университеті (ҚазҰУ) Шығыстану факультетінің жапон тілі бөлімін (2001) тәмамдаған.
Орталық Азия университетінің Заң факультетін (2006) тәмамдаған.
Жапония Білім және ғылым министрлігінің бағдарламасы бойынша Жапонияның Киотo университетінде (2000) біліктілігін арттырған.
2001-2004 жылдары әл-Фараби атындағы Қазақ Ұлттық Университеті (ҚазҰУ) тарих факультетінің аспирантурасында оқыған.
2011-2016 жылдары Жапониядағы Кокушикан университетінде халықаралық қатынастар саласы бойынша ғылыми зерттеуші (Guest Researcher) болып, 2016 жылы философия докторы (PhD) ғылыми дәрежесіне ие болған. Докторлық диссертациясын жапон тілінде жазған.

Қызметі

2002-2008 жылдары "NIKA SERVICE-1" ЖШС Қазақстан-жапон компаниясында директор.
2008 жылы ҚР Сыртқы істер министрлігінің Азия және Африка департаментіне екінші хатшысы.
2008-2014 жылдар аралығында Қазақстанның Жапониядағы елшілігінде бірнеше лауазымда қызмет атқарған:
2008-2009 жылдары Екінші хатшы;
2009-2011 жылдары Бірінші хатшы;
2011-2012 жылдары Кеңесші;
2012-2014 жылдары Кеңесші-уәкіл (Елшінің орынбасары).
2014 жылы ҚР Президент Әкімшілігінің Сыртқы саясат орталығында инспектор.
2014 жылдың күзінен "Атамекен" Кәсіпкерлер Ұлттық палатасының Сыртқы сауда палатасында қызмет жасаған. Қазақстан-жапон экономикалық ынтымақтастық жөніндегі комитеттің төрағасы болған.
2015-2017 жылдары "New & Rare Resources” ЖШС Қазақстан-жапон компаниясында Бас директор.
2017-2019 жылдары Оңтүстік Қазақстан облысы Кәсіпкерлік, индустриалды-инновациялық даму және туриз басқармасының басшысы (ОҚО, Түркістан облысы Әкімінің кеңесшісі) лауазымында болған.
2019-2021 жылдары ҚР Сыртқы істер министрлігінің Ерекше тапсырмалар жөніндегі Елшісі.
2021 жылдың жазында ҚР Жапониядағы елшілігінің Кеңесші-уәкіл (Елшінің орынбасары) лауазымына қайта тағайындалды.

Дипломатиялық дәрежесі: II дәрежелі Төтенше және Өкілетті Уәкіл

(- 2014-2016 жылдары Жапонияның Азаматтық дипломатия және Халықаралық достық алмасулар Кеңесінің (The International Friendship Exchange Council, FEC) Қазақстандағы ресми әріптесі болған. - 2015-2017 жылдары Жапония Сыртқы істер министрлігінің Қазақстандағы бірлескен инфрақұрылымдық жобалар бойынша кеңесшісі болған).

Қоғамдық жұмысы:

Қазақстан жапонтанушылар қоғамының төрағасы.
Әл Фараби атындағы ҚазҰУ Шығыстану факультетінің түлектер қауымдастығының төрағасы.
"Egemen Qazaqstan" республикалық газетінің халықаралық сарапшысы, халықаралық қатынастар саласына қатысты көптеген мақалалардың авторы.

2022 жылдың қаңтар айында Қазақстан жапонтанушылар қоғамының бастамасымен "Мен көрген Жапония" атты кітабы жарыққа шықты.

Жапон тілі бойынша жетістіктері

Орталық Азия мемлекеттері студенттері арасындағы жапон тілі сайысының жеңімпазы, 1998 жыл, Алматы.
ТМД мемлекеттері студенттері арасындағы жапон тілі сайысының жеңімпазы (Қазақстан тарихында тұңғыш рет), 1998 жыл, Мәскеу.
Жапониядағы шетелдік дипломаттар арасындағы жапон тілі сайысының екі дүркін жеңімпазы (Қазақстан тарихында тұңғыш рет), 2009 және 2012 жылдары, Токио.

Жапония Сыртқы істер Министрінің арнайы грамоталары және кубоктарымен марапатталған. ҚР Сыртқы істер Министрінің құрмет грамотасымен марапатталған.

Бірінші (жоғарғы) дәрежелі жапон тілінің маманы.
2021 жылдың қараша айында Жапониядағы шетелдік дипломаттар арасындағы жапон тілі сайысына әділ қазылар мүшесі ретінде шақырылды.

Сілтемелер

[1]