Бақытбек Әуенұлы Нақыпбеков

Бақытбек Әуенұлы Нақыпбеков - (11 мамыр, 1967 жыл, Түркістан облысы, Бәйдібек ауданы, Шаян ауылында туған) - ҚР Жер ресурстарын басқару агенттігі төрағасының орынбасары (2010 жылдан бастап).

Өмірбаяны

• Әкесі - Нақыпбеков Әуен Нақыпбекұлы. Анасы - Шәменова Қанатгул, зейнеткер.
• Қазақ тұтыну кооперациясы институтының «Маркетинг және коммерция» факультетін (1997) «Маркетинг» мамандығы бойынша бітірген.
• «Қайнар» университетінің заң факультетін (Алматы қ., 2001) заңгер мамандығы бойынша бітірген.
• 1984 жылдан - Шымкент облысы Апғабас аудандық ақпараттық-есептеу стансасының операторы.
• 1985 жылдан - нан зауытының экспедиторы.
• 1988 жылдан - Шымкент облысы Алғабас аудандық тұтыну одағының экспедиторы.
• 1990 жылдан - Шымкент облысы Алғабас ауданындағы аудандық дүкеннің аға тауартанушысы.
• 1992 жылдан - Шымкент облысы Алғабас аудандық тұтыну одағы төрағасының орынбасары.
• 1994 жылдан - «Алтын Орда» сауда-өнеркәсіп қауымдастығының бастығы.
• 1996 жылдан - «Нұрсұлтан» ШК директоры; Шымкент қалалық жер комитетінің төрағасы.
• 2001 жылдан - ОҚО Жер ресурстарын басқару комитетінің төрағасы.
• 2005 жылдан - Оңтүстік Қазақстан облыстық жер ресурстарын басқару жөніндегі аумақтық басқармасының бастығы.
• 2008 жылдан - Жамбыл, Қызылорда және Оңтүстік Қазақстан облыстары бойынша аймақаралық жер инспекциясының бастығы.
• 2010 жылдан бері - ҚР Жер ресурстарын басқару агенттігі төрағасының орынбасары.

Марапаттары

• «Құрмет» орденімен (2007);
• «Қазақстан Республикасының тәуелсіздігіне 10 жыл» (2001) медалі.
• «Қазақстан Республикасы Конституциясына 10 жыл» (2005) медальдарымен марапатталған.
• Құрметті жерге орналастырушы (2005).

Отбасы

• Үйленген. Жұбайы - Қаныбекова Әлия Орынханқызы (1968 ж. т.), «Санрайс» ЖШС директоры.
• Ұлдары - Нақыпбеков Нұрсұлтан, Нақыпбеков Ақсұлтан;
• қыздары - Нақыпбекова Мөлдір, Нақыпбекова Ақтолқын.