Бақытгүл Баймолда
| Бақытгүл Баймолда | |
 | |
| Лақап аты |
Гүл Зарқұмар |
|---|---|
| Туған күні | |
| Туған жері | |
| Қайтыс болған күні |
5 қыркүйек 2022 (47 жас) |
| Білімі | |
| Мансабы | |
| Шығармашылық жылдары |
2000–2022 |
Бақытгүл Баймолда (15 қыркүйек 1974, Ұланбатыр — 5 қыркүйек 2022) — қазақ ақыны.
Өмірбаяны[өңдеу | қайнарын өңдеу]
Бақытгүл Баймолда (Гүл Зарқұмар) 1974 жылы 15 қыркүйекте Ұланбатыр қаласында дүниеге келді. Оқушы кезінен бастап өлең жаза бастады. 1983-1993 жылдары Баян Улгийдегі №1 қазақ орта мектебінде оқыды. 1993 жылы Шығыс Қазақстан мемлекеттік университеті филология факультетіне оқуға түсті. 1993 жылы "Алтын жебе" атты үлкен мүшәйрада бас жүлде алды. 1997 жылы Ақтан Бабиұлының 100 жылдығына арналған мүшәйрада тағы да бас жүлде алды. 2000 жылдардан бастан шығармашылықпен айналысты. Республикалық басылымдар "Қазақ әдебиеті", "Өркен газеті", "Жұлдыз" журналы, "Жалын" журналдарында топтама өлеңдері жарияланып тұрған. 2012 жылы көрнекті ақын Ғалым Жайлыбайдың қолдауымен "Жалын" баспасынан "Жүректегі жүзік" атты жыр жинағы жарық көрді. Гүл Зарқұмар өлеңдерді қазақ тілімен қатар моңғол тілінде де жазды. 2013 жылдан бастап республикалық әдеби-мәдени интернет порталдарда топтама өлеңдері үнемі жарияланып тұрды. Фейсбук әлеуметтік желісінде "Күміс жүген" атты топ ашып, Алтайдың теріскей бетіндегі қазақтардың тарихы,салт-дәстүрін,өнерін және әдебиетін атажұртта насихаттауға зор еңбегін сіңірді.[1]
Жасырынған мұң қалды ма жанымда?![өңдеу | қайнарын өңдеу]
«Жасырынған мұң қалды ма жанымда?!
Қаламымнан тығылып...
Толып кетті інжу-маржан,лағылға,
Жүректегі шұғынық... —
Дүниеден көрсем де көп қарсылық,
Жанымды тек жаралап...
Айта алмайтын сырларым да баршылық,
Ол өзіме аманат!
Махаббаттан көресінді көрдім ғой?!
Арман құштым,зар құштым...
Сүйіп тұрып сүйе алмайтын өрмін ғой!
Жанарымда қалды ұшқын...
Шығармашылығына баға[өңдеу | қайнарын өңдеу]
Сонау 90- жылдары Бақытгүл Баймолда есімімен танылған қаршадай бала ақынның ересек поэзиясы тұған өлкеміздің аспанында ерте қалықтаған еді. Тұп тұнық бұлықсыған тұма жырлары талайды таңдай қақтырғаны есімде деп жазады Ақсұнқар Ақынбабақызы.
Көрнекті ақын Сұраған Рахметұлы былай деп жазады: - Расында ол осы құдіретті назым ғұмырында мәңгі хаhи ақын күйімен қалды.
Қазақтың белгілі ақыны Қасымхан Сейітханұлы Бегманов Гұлдің шығармашылығы жайында айтады: Оның әр өлеңінде, жазбасында туған жері Алтайға деген шексіз сағынышы жататын. Ол жаратылысынан ақын еді. Иә, анасынан ақын болып туған "сиректердің" сапында болатын. Біздегі ең жаман қасиет тірісінде бағалай алмауымыз.
Гүл Зарқұмардың ерекшелігі оның өлеңдерінде жарқ-жұрқ еткен пафос, үлкен ұрандар, билікке жағыну атымен жоқ. Гүл өлеңдерінде махаббат, Алтайға-тұған жерге деген сағыныш және адамның рухани ішкі-қайшылықтары сипатталған.
Жарияланған өлеңдерге сілтемелер[өңдеу | қайнарын өңдеу]
- Ол жаратылысынан ақын еді
- Бақытгүл Баймолдақызы. Жапырағы жаураған құба талдай
- Көп екен ғой сыры өмір сүрудің
- Гүл Зарқұмар: "Ақындар туралы ауада дақпырт бар..."
- Іңкәрліктің маржанындай әр тамшы…
- Алтай мені, мен Алтайды жоқтадым…
- Бақытгүл Баймолдақызы. Жылап аққан жылдарды көзімдегі...
- Гүл Зарқұмар. Хатым бар менің Ғаламға...
- Хат жазыңдар!
- Гүл Зарқұмар.Тағдырымды тастап кетіп қалар ем...
- «Атамекен антологиясы» жобасы: Гүл Зарқұмарқызының өлеңдері
Дереккөздер[өңдеу | қайнарын өңдеу]
- ↑ Жүректегі жүзік: Өлеңдер // Бақытгүл Баймолдақызы. Алматы: "Жалын баспасы" ЖШС, 2012. ISBN 978-601-7286-46-0