Қазақ әдебиеті (газет)

«Қазақ әдебиеті» - Қазақстан Республикасының әдебиет, мәдениет және өнер газеті. Әр апта сайын, жұма күні шығады .

• Газет 1934 жылдың 10 қаңтарынан бастап шыға бастады.

  

  Қазақ әдебиеті газеті

• Газеттің құрылтайшысы - Қазақстан жазушылар одағы және "Қаламгер Media" орталығы.
• Редакторлар кеңесінің төрағасы - Нұрлан Оразалин.
• Бас редактор - Жұмабай Шаштайұлы.
• Газеттің таралымы - 14 779 дана.

Тарихы

«Қазақ әдебиеті» газеті - Қазақстан жазушылар одағының органы ретінде тұңғыш саны 1934 жылдың қаңтарында жарық көрген.

1940 - 1954 жылдары газеттің шығуы тоқтатылып, 1955 жылдың қаңтар айынан қайта шыға бастады.

"Қазақ әдебиеті" ұлтымыздың рухани айнасы, еліміздің әдеби һәм мәдени өмірін жан-жақты қамтитын басылым. Апталық өнер сүйгіш оқырман қауымның эстетикалық талғамын тәрбиелеуде елеулі рөл атқарды.

Газет қазақ әдебиетінің жоғары идеялық көркемдік сапасын арттырып, көркем өнердің өмірді танытушылық рөлі мен эстетикалық-тәрбиелік мәнін арттыру үшін күреседі.

Әдебиет пен өнердің халық өмірімен тығыз байланыста болуына көмектеседі. Газет беттерінде қазақ ақын жазушыларының өлең, жыр, дастандары, әңгіме, очерктері, роман, повестерінен үзінділер, байырғы мәдени қазынамыздың ел аузында жүрген асыл үлгілері, көне тарихымызға қатысты деректер мен археологиялық-этнографиялық мұралар, қазақ әдебиетінің өткені мен бүгіні және келешегі жайлы байыпты әдеби-сын мақалалар; елдік елеулі мәселелер - қоғамдық-саяси, әлеуметтік-мәдени оқиғалар жөнінде публицистік өткір ой-толғаулар, дүние жүзі классиктерінің үздік туындыларынан аудармалар жарияланады.

Сонымен бірге оқу-ағарту, білім, ғылым саласындағы әр алуан көкейкесті мәселелерді сөз етеді. Кино, театр, сымбат, қолөнерінің келелі тақырыптарын кеңінен толғап, белгілі әдебиет, өнер қайраткерлерімен сұхбат жүргізіп, олардың жаңа шығармашылық туындыларын оқырмандарға таныстырып отырады.

Бас редакторлар

• Алғашқы редактор: Ғабит Мүсірепов
• 1934 жылдың 16 шілдесінен бастап: Бейімбет Майлин
• 1935 жылдың наурызынан, 1936 жылдың қазанына дейін: Сәбит Мұқанов
• 25.12.1937 ж. - 1938 жылдың сәуіріне дейін: Асқар Тоқмағамбетов
• 1940-1955 жж газет жұмысы уақытша тоқтатылды.
• 1955-1957 жж наурызына дейін басшы: Сырбай Мәуленов
• 1957 жылдың наурызынан, 1958 жылдың қыркүйегіне дейін: І. Жарылғапов
• 1958 ж. қазан-1959 ж. наурыз: Әбділдә Тәжібаев
• 1959 ж. сәуір- 1961 ж. шілде: З. Қабдолов
• 1961 ж. тамыз- 1963 ж. наурыз: Ж. Ысмағұлов
• 1964-1967 жж: Ә. Нұршайықов
• 1967-1975 жж: Н. Ғабдуллин
• 1975-1976 жж: С. Мәуленов
• 1977-1980 жж: С. Мұратбеков
• 1980-1989 жж: Ш. Мұртаза
• 1990-1991 жж: Т. Әбдіков

• Оралхан Бөкей - 1991-1993
• Ұлықбек Есдәулет - 2002
• Дәурен Қуат -
• Жұмабай Шаштайұлы -