Бақыт Жанғалиева

Бақыт Жанғалиева
Жалпы мағлұмат
Туған күні	11 маусым 1947 (1947-06-11)
Туған жері	Ақтөбе облысы Шалқар ауданы
Қайтыс болған күні	24 маусым 2017 (2017-06-24) (70 жас)
Қайтыс болған жері	Алматы
Азаматтығы	КСРО  Қазақстан
Мамандығы	актриса
Белсенді жылдары	1969 - 2017
Бағыты	драма, мелодрама
Марапаттары	Құрмет ордені

Бақыт Жанғалиева (1947 жылы 11 маусымда Ақтөбе облысы, Шалқар ауданы Айшуақ ауылы - 24 маусым 2017 жылы Алматы) — актриса. Қазақ КСР Еңбек сіңірген артисі (1982). Құрмет орденінің иегері (1998).

Жалпы мәліметтер

Алматы қәнсерватәриясын (қазіргі Қазақ ұлттық консерватория») бітірген (1970). 1968 жылдан Қазақ академиялық драма театрында актриса. Жанғалиева осы театр сахнасында Бәтима (Т.Ахтановтың "Антында"), Баян, Ақтоқты (Ғ.Мүсіреповтің "Қозы Көрпеш - Баян сұлуы" мен "Ақан сері - Ақтоқтысында"), Айман (М. Әуезовтің "Айман - Шолпанында"), Шырын (Н.Хикметтің "Фархат - Шырынында"), Ақбала (Ә.Нұрпейісовтің "Қан мен тері"), т.б. рольдерді орындады. Гастрольдік сапармен Ресей, Франция, Германия, Өзбекстан, Қырғызстан, Татарстан, т.б. шет елдерде және Қазақстан қалаларында болып өнер көрсеткен. Сондай-ақ, "Соңғы ызғар", және "Намыс" кинофильмдеріне түскен. "Құрмет" грамотасымен марапатталған.

Марапаттары

• КСРО Жоғарғы Кеңесінің Құрмет грамотасының иегері.
• 1982 жылы Қазақстанның еңбек сіңірген әртісі (Қазақ КСР) құрметті атағымен марапатталған.
• КСРОның "Еңбек ардагері" медалімен марапатталған.
• 1998 жылы Елбасының жарлығымен «Құрмет ордені» мен марапатталған.
• Ақтөбе қаласының Шалқар ауданының Құрметті азаматы.
• 2011 жылы "Қазақстан Республикасы Тәуелсіздігіне 20 жыл" медалімен марапатталған.