Билли Кэтрин Лурд

Уикипедия — ашық энциклопедиясынан алынған мәлімет
Jump to navigation Jump to search
Билли Кэтрин Лурд
ағылш. Billie Lourd
Сурет
Жалпы мағлұмат
Туған күні

17 шілде 1992 (1992-07-17) (28 жас)

Туған жері

Лос Анжелес, Калифорния, АҚШ

Азаматтығы

 АҚШ

Мамандығы

актриса

Белсенді жылдары

2015 - қазіргі уақытта жалғасуда

Билли Кэтрин Лурд (ағылш. Billie Catherine Lourd) (17.07.1992, Лос Анжелес, Калифорния, АҚШ) – американдық актриса. «Айқай патшайымдары» атты телесериалда Шанель №3 рөлімен танымал атанды.

Биография[өңдеу]

Лурд 1992 жылы 17-шілдеде Лос Анжелесте, Калифорнияда Кэрри Фишер атты актриса мен агент Брайан Лурдтың отбасында дүниеге келген. Сондай-ақ, ол актриса Дебби Рейнольдс пен әнші Эдди Фишердің немересі; Тод Фишер, Джоэли Фишер және Триш Ли Фишердің жиені болып табылады.

Дін мен психологияны оқып, 2014 жылы Нью-Йорк университетін аяқтаған.

Мансабы[өңдеу]

2015 жылы көрсетілген «Жұлдызды соғыстар: Эпизод VI - Күштің оянуы» атты фильмінде Лурд Конникс лейтенанттың рөлін сомдап шықты.

2015 жылы ақпан айында «Айқай патшайымдары» атты телесериалдың түсіріліміне қатысты. Оның кейіпкері – бай мұрагер, Уоллес университетінің студенті – Шанель №3. Ол кейіпкер әрдайым үлбір құлаққабын киіп жүреді. Лурд телесериалдың екінші маусымының түсіріліміне де қатысты.

2017 жылы «Миллиардерлер клубы» атты фильмінің түсіріліміне қатысты. «Айқай патшайымдары» фильміне түскен Эмма Робертс актриса «Миллиардерлер клубының» актерлік құрамына кірді.

Лурд 2017 жылы «Американдық қорқынышты әңгімелер» телесериалының 7- маусымына қатысты.

Фильмография[өңдеу]

«Айқай патшайымдары» (2015-2016) – Шанель №3;

«Жұлдызды соғыстар: Эпизод VI - Күштің оянуы» (2015) – лейтенант Конникс;

«Миллиардерлер клубы» (2017) – Розанна Тикпурт;

«Жұлдызды соғыстар. Эпизод VIII» (2017) - лейтенант Конникс;

«Американдық қорқынышты әңгімелер» (2017).