Биылғы мақсат (мақала)

Биылғы мақсат - жазушы М.Әуезовтің шағын мақаласы. «Қазақ әдебиеті» газетінің 1939 ж. 5 қаңтар күнгі санында жарияланған.

Онда М.Әуезовтің жақында ғана бір пьесаны аяқтағанын, алдағы шығармашылық жоспары туралы айта келіп, алдағы уақытта мемлекеттік опера театрына арнап, азамат соғысы тақырыбы жөнінде бір пьеса жазатынын, онда Колчак, Анненков және «Алаш Орда» билеген қалада ақтарға қарсы астыртын әрекет етіп тартысқан большевиктер, еңбекшілер көрінулері керек дейді. Биылғы жылдық келемі мол міндетінің бірі - Абай жайы. «Абай» деген романының бір бөлімін бітіріп, бастыруға беру үлкен мақсатымның бірі екенін. Абай жайын академиялық театрға пьеса етіп ұсынбақ ойым да барын баяндаған. Жазушы «Ақ қайың» пьесасы мен «Абай» трагедиясын сол жылы жазып, айтқан үш мақсатының екеуіне жетті. Шағын шығармашылық есеп бұдан кейін қайталанып басылған жоқ.