Болат Мұратұлы Сыздықов
Болат Мұратұлы Сыздықов (21 маусым 1956, Қарағанды - 7 мамыр, 2016, Алматы) — КСРО және қазақ гитаристі, Musicola тобының композиторы және өңдеушісі, A'Studio тобының бұрынғы мүшесі.[1]
Өмірбаяны
[өңдеу | қайнарын өңдеу]Бала кезінен оның музыкаға қызығушылығы болып, әйгілі педагог Александр Мажелянның джаз-гитара курстарын бітірді. Болат 16 жасында Қарағанды филармониясына солист ретінде қабылданып, «Гәкку» ансамблінің құрамында гастрольдік сапармен ел аралады. Болат Қызыл Тулы Орта Азия әскери округі дивизия штабының оркестрінде әскери борышын өтеп жүріп, сыбызғы мен барабанда ойнауды үйренді. Әскерден кейін Қарағанды филармониясының жанындағы «Уақыт және әндер» ансамблінің солисті болды.
1976 жылы Республикалық «Гүлдер» жастар ансамблінің шақыруымен Болат Алматыға қоныс аударады. Ансамбльде жұмыс істеген Болат Шымкент мәдениет институтында сырттай жоғары білім алды. Одан кейін, Болат «Арай» тобының гитаристі болды, оның солисті әнші Роза Рымбаева болды. Ұжым Кеңес Одағының түкпір-түкпірінде гастрольдік сапармен көптеген фестивальдерге қатысты, соғыс жылдарында Ауғанстанда өнер көрсетті, Байкал-Амур магистральда бірқатар концерттер берді. Оларда күніне тоғыз жанды қойылым болатын. Болат ұжымда басты рөлдердің бірін сомдады, музыка жазды, аранжировкамен айналысты, ән айтты.
Әл-Фараби атындағы Шымкент мәдениет институтының мәдени-ағарту жұмысы факультетін бітірген (1986), мәдениет саласының қызметкері.
1987 жылы Болат пен «Арай» музыканттары Роза Рымбаевадан бөлініп, «Алма-ата» атты жаңа тобын құрды. Мәскеуге барып, бірден кең танымалдыққа ие болған, кейінірек A`Studio деген атпен танымал болған команда күні бүгінге дейін ТМД елдерінде өте танымал. Болат онда көп жұмыс істемеді. Мәскеуде ол бірден көптеген топтар мен музыканттардан ұсыныстар ала бастады. Болат әртістер арасында сессиялық музыкант және гитарист ретінде атақты болды. Ол әртүрлі студиялық жобаларға қатысты, көптеген танымал әртістер мен ресейлік эстрада жұлдыздарына гитара партиясын жазды.
1990 жылы Болат атақты композитор Максим Дунаевскийдің жетекшілігімен американдықтармен бірге «Америкалы перестройка» жаһандық музыкалық жоба-спектакльіне жұмысқа шақырылды.
1992 жылы Болат Сыздықов өзінің музыкалық жобасын жасау туралы шешім қабылдады. Ол әнші Карина Абдуллинамен танысып, бірігіп Музыкалық дуэт құрады. Musicola аясында Болат АҚШ-тағы "Big Apple Music" халықаралық байқауының[1] Мұрағатталған 23 сәуірдің 2019 жылы. лауреаты болды (1996 ж.) және 10 альбом шығарады. Оған қоса, жеке гитара дискісі Guitar Stories 2009 жылы шықты. Барлық "Musicola" дискілері музыканттардың жеке студиясында жазылған, онда Болат тек музыканттың ғана емес, сонымен қатар кәсіби дыбыс режиссері міндеттерін орындаған.
Қазақстанның тұңғыш Президентінің 2012 жылғы 5 желтоқсандағы Жарлығымен Болат Сыздықовқа Қазақстан Республикасының еңбек сіңірген әртісі құрмет атағы берілді.
2014 жылдың 1 ақпанында Болат Сыздықов "Musicola" дуэті құрамында егеменді Қазақстан тарихында тұңғыш рет Монте-Карлодағы бокс рингінде әлемге әйгілі боксшы Геннадий Головкин жекпе-жегі алдында Қазақстан Республикасының Мемлекеттік Әнұранын орындады.
Ол 2016 жылы 7 мамырда Алматыда 60 жасында кенеттен қайтыс болды. Өлім себебі - тромбоз болды[2]
Музыкантпен қоштасу 10 мамырда Алматыдағы Ж. Жабаев атындағы Қазақ мемлекеттік филармониясында өтті. Еске алу кешіне Алматы қаласының әкімі Бауыржан Байбек қатысты. Алматыдағы Кеңсай-2 зиратында Батырхан Шүкенов қасында жерленген.
2016 жылдың қараша айында Болат Сыздықовтың туған жері Қарағандыда, Жұлдыздар даңғылында атақты жерлестің құрметіне есімдік белгі ашылды.
Отбасы
[өңдеу | қайнарын өңдеу]- Әкесі - Сырымбетов Мұрат Сапарғалиұлы, марқұм, металлург болған.
- Анасы - Сыздықова Қалдығыз, зейнеткер.
- Ажырасқан.
- Қызы - Сыздықова Диана (1979).
Дискографиясы
[өңдеу | қайнарын өңдеу]- «Девочка в платьице белом» — 1996
- «Иллюзия» (кассета) — 1998
- «Я не забуду тебя» — 2000
- «Арман жолдар» (сингл) — 2001
- «Песни» — 2002 (жинақ)
- «Между Алматы и Москвой» — 2003
- «Горький шоколад» — 2004
- «Арман жолдар» — 2005
- «Musicola. The Best» (СD + DVD) — 2006
- «Арман жолдар» + «Кок орік» — 2007
- «Как всегда» — 2008
- «Гитарные истории» (жеке аспаптық альбом) — 2009
- «Арман жолдар» + 3 жаңа өлең — 2011
- «Огонёк» — 2013
- «Лучшие песни» (2 дисктегі жинақ) — 2015
- Musicola әндер жинағы (9 CD 1995—2016 гг.) — 2017