Бэтмен (фильм, 2022)

Бэтмен
The Batman
Жанры	Атыс-шабыс Драма Фантастикалық Шытырман оқиғалы
Режиссёрі	Мэтт Ривз
Продюсері	Мэтт Ривз Дилан Кларк
Сценарийдің авторы	Мэтт Ривз Питер Крэйг
Басты рөлдерде	Роберт Паттинсон Зои Кравиц Пол Дано Колин Фаррел Джефри Райт Джон Туртуро
Операторы	Грег Фрейзер
Композиторы	Майкл Джиаккино
Кинокомпания	Warner Bros. Pictures DC Studios 6th & Idaho Dylan Clark Productions
Дистрибьютор	Warner Bros.
Ұзақтығы	176 мин.
Бюджеті	$185-200 млн
Кассалық түсімі	$770,8 млн
Мемлекет	АҚШ
Тілі	ағылшын
Шыққан жылы	2022
Келесі фильм	Пингвин
https://www.thebatman.com

Бэтмен (ағылш. The Batman) — Warner Bros. шығарған DC Comics суперқаһарманы Бэтменге негізделген америкалық суперқаһармандық фильм . Warner Bros Pictures, DC Studios, 6th & Idaho және Dylan Clark Productions компаниялары продюсерлік еткен. Бэтмен фильмдер сериясының ребуты саналады. Фильмнің сценарийін Питер Крэйг пен фильм режиссері Мэтт Ривз бірге жазған. Басты рөлдерде Роберт Паттинсон, Зое Кравиц, Пол Дано, Джеффри Райт, Джон Туртурро, Питер Сарсгаард, Энди Серкис және Колин Фаррел . Бэтмен (Паттинсон) қылмыспен күресудің екінші жылында және Готемның элитасына қауіп төндіретін сериялық кісі өлтіруші Риддлерге (Дано) қарсы тұрады. Осы жолда Готемның сыбайлас жемқорлыққа белшесінен бату себептерін ашуға тырысады.

DC Universe (DCU) фильмдерінде Бэтменді сомдаған Бен Аффлек 2014 жылы фильмге режиссер, продюсер, бірлескен сценарийші және басты рөлді сомдаушы актер ретінде тіркеледі. Алайда 2017 жылы актер сценарийге қатысты мәселелерге байланысты режиссерлік қызметтен бас тартты. Нәтижесінде Ривз режиссер және сценарист болып тағайындалды, ол сюжетті жас Бэтменнің айналасына шоғырландыруды және кейіпкердің детективтік аспектілерін ерекше атап өтуге шешім қабылдады. Ривзді Бірінші жыл, Ұзақ Хэллоуин және Эго комикстері шабыттандырды. Аффлек жобаны 2019 жылы тастап, фильмнен DC Universe ғаламына қатысты сілтемелер алып тасталынды. Паттинсон басты рөлге 2019 жылдың мамыр айында бекітілді, қалған актер құрамы 2019 жылдың аяғында жарияланды. Түсірілім 2020 жылдың қаңтарынан 2021 жылдың наурызына дейін Чикаго мен Англияда өтті.

Бэтменнің премьерасы 2022 жылы 23 ақпанда Лондонда өтті. Кинокомикс Америка Құрама Штаттарында 4 наурызда жарық көрді. Фильмнің премьерасы COVID-19 пандемиясына байланысты екі рет кейінге қалдырылды. Фильм дүние жүзінде 770 миллион доллар жинап, 2022 жылдың ең көп табыс әкелген 5-ші фильмі болды, сонымен қатар фильмнің ұзақтығын кейбіреулер сынға алғанымен, актерлік ойынды, режиссураны, оқиғаны, операторлық жұмысты және композиторды жоғары бағалаған сыншылар өте жылы қабылдады. Бэтмен фильмінің екі жалғасы жоспарланған, бұл фильм сондай-ақ HBO Max -пен әзірленетін екі спин-оффы бар Бэтмен фильмдер сериясының бастамасы болады деп күтілуде.

Сюжеті

Хэллоуин кезінде Готем мэрі кіші Дон Митчеллді өзін Жұмбақшы деп атаған адам өлтіреді. Екі жыл бойы Бэтмен ретінде қылмыспен күресіп келе жатқан диуана миллиардер Брюс Уэйн Готем полициясымен бірге тергеу жүргізеді. Полиция көбіне оған сенімсіздікпен қарайды. Қылмыс орнында лейтенант Джеймс Гордон Реддлердің Бэтменге арнаған ашық хатын тауып алады. Риддлер кейінірек комиссар Пит Сэвэйджді өлтіріп, Бэтменге тағы бір ашықхат қалдырады.

Бэтмен мен Гордон Риддлер Митчеллдің көліктерінің бірінде флеш-дискіні қалдырғанын анықтады, онда Митчеллдің Анника Козлов есімді әйелмен бірге Кармин Фальконның оң қолы Пенгвинге тиесілі Айсберг Лоунж түнгі клубында түскен фотосуреттері бар. Пингвин абдырап тұрғанда, Бэтмен Анниканың бір бөлмеде бірге тұратын жақын досы Селина Кайлдың клубта даяшы болып жұмыс істейтінін байқайды. Бэтмен Анникаға сұрақ қою үшін Селинаның соңынан еріп үйіне келеді, бірақ Анника жоғалып кеткендіктен Селинаны Айсберг клубына қайта жібереді. Селинаның арқасында Бэтмен Саваждың Фаледеннның жалақы алып тұрғанын, онымен бірге аудан прокуроры Гил Кулсонда болғанын біледі. Бэтмен Селинаға Фальконемен қарым-қатын жайлы сұрап қысым көрсеткенде, Селина байланысты ажыратып тастайды.

Рөлдерде

• 
  Роберт Паттисон
• 
  Зои Кравиц
• 
  Пол Дано
• 
  Джеффри Райт
• 
  Джон Туртурро
• 
  Питер Сарсгаард
• 
  Энди Серкис
• 
  Колин Фаррелл

• Роберт Паттинсон — Брюс Уэйн / Бэтмен: Жалғызбасты миллиардер. Готэм қаласы десе ішкен асын жерге қоюға даяр адам. Фильмде Бэтменнің жасы шамамен 30-да, ол әлі тәжірибелі емес. Өйткені Мэтт Ривз Бэтменнің әлі толық қалыптаспаған кезін көрсетуді көздеді. Ривз бен Паттинсон Бэтменді өзінің суперқаһармандық өмірімен плейбой Брюс Уейннің өмірін әлі ажырата алмайтын адасқан айкезбеге теңеді. Ривз Бэтменнің суперқаһармандық жұмысын есірткіге тәуелді адамдардың тәуелділігімен салыстырды. Паттинсонның айтуынша фильм батырлықтың сипатын сынға алады. Өйткені Бэтменді мінсіз қаһарман деп айтуға болмайды. Себебі ол өзін ұстай алмайды, үнемі күш қолдануға дайын тұрады, онымен қоса өзінің әділдік жайлы сенімдеріне адал. Ривздің ойынша бұл фильм Бэтменнің кек алу жолын емес, адамдарға үміт сыйлау жолын таңдау керектігін түсінуі жайында. Оскар Новак Брюстің бала кезін ойнады, ал Рик Инглиш түсірілім кезінде Паттинсонның дублері болды.
  • Орысша дубляж — Александр Гаврилин
• Зои Кравиц — Селина Кайл / Мысық әйел: Түнгі клубтағы даяшы, драг-дилер және тонаушы. Бэтменмен жоғалып кеткен құрбысын іздеу кезінде танысады. Оның тұрақсыз моральдық принциптері Бэтменге өмірдің тек ақ пен қарадан тұрмайтынын, адамдардың не біркелкі жақсы, не біркелкі жаман болып бөлінбейтініне түсінуіне себеп болды. Кравицтің айтуынша кейіпкер өзінің әлемдегі орнын біледі. Мысық әйел Бэтменнің жанындағы мақсаты беймәлім құпия кейіпкер. Оның айтуынша Бэтмен мен Мысық әйел қылмыстық сыбайластар.
  • Орысша дубляж — Вероника Саркисова
• Пол Дано — Эдвард Нэштон / Ридлер: Бэтмен шабыт берген сот-медициналық есепші, Готамның беделді адамдарын аңдып, олардың қылмыстарын әшкерелеп, тікелей эфирде өлтіретін сериялық кісі өлтіруші. Ол Готэм туралы шындықтың «маскасының шешілгенін» қалайды және Бэтмен мен құқық қорғау органдарын өзінің құпияларымен мазақ етеді. Ривз Бэтменнен шабыттанған Риддлер Бэтменнің өзіне жаулар жасайтыны туралы идеяны бейнелейтінін және Риддлердің Готемге шабуылы кейіпкерді террорист ретінде көрсету арқылы «саяси күн тәртібін» көрсететінін айтты. Ол Бэтмен мен жұмбақшыны «бір тиынның екі жағы» деп санады, онымен қоса олардың мақсаттары ұқсас болғандықтан бұл жағдай алаңдатады. Ол жұмбақшыны «шынайы өмірде» болған Зодиак атты кісі өлтірушімен салыстырды, себебі олда Ридлер секілді полиция өкілдеріне шифрлар түрінде хабарламалар, құпиялар қалдырып, Бэтмен фильміндегі оқиғаларға ұқсайтын әрекеттер жасағанын атап өтті. Джозеф Уокер бала Нэштонды сомдады.
  • Орысша дубляж — Антон Эльдаров
• Джеффри Райт — Джеймс Гордон: Готэм қалалық полиция бөліміндегі Бэтменнің одақтасы. Ол сенетін жалғыз полиция қызметкері және онымен бірге Риддлердің қылмыстарын зерттейді. Райт Гордонды «Готемның, Готем полициясының, Бэтменнің, әділет пен жемқорлықтың туысқан рухы» деп сипаттады. Кристофер Ноланның (2005-2012) трилогиясындағыдай, «Бэтменде» Гордон полиция лейтенанты болып табылады, бұл оның кейінгі фильмдерде комиссар лауазымына дейін мансабының көтерілуін көрсетуге мүмкіндік береді. Райт Гордонның лейтенант ретінде басталуы оған бұрынғы фильм бейімделулеріне қарағанда үлкен рөл атқаруға мүмкіндік беретінін сезінді. Ривз Бэтмен мен Гордонның одағы бұрынғы фильмдерге қарағанда «Бэтмен» фильмінде ерекше байқалатынын атап өтіп, оларды Карл Бернштейн (Дастин Хоффман) және Боб Вудвордтың (Роберт Редфорд) «Барлық Президенттің адамдары» (1974) фильміндегі дуетімен салыстырды.
  • Орысша дубляж — Сергей Чихачёв
• Джон Туртурро — Кармайн Фальконе: Готем қылмыс әлемінің басшысы және Селинаның әкесі. Ридллердің ең басты нысанасына айналған Фальконе қаланың көп бөлігін басқарады; Туртурро оны «қауіпті жігіт» деп сипаттады, ал Ривз ол «сыртынан... құрметті мафиоз сияқты көрінгенмен, көп ұзамай өте қараңғы тарихы бар екені белгілі болатын кейіпкер» ретінде сипаттап, «Чайнатаун» (1974) фильміндегі Ноа Кросспен (Джон Хьюстон) салыстырды. Бэтменнің ойынша Томас пен Марта Уэйнді өлтіруге бұйрық берген дәл осы Фальконе болуы әбден мүмкін. Бүкіл фильм бойы Фальконе күннен қорғайтын винтажды көзілдірік киеді. Туртурроның айтуынша бұл кейіпкерге көзілдірік өзінше «бетперде» іспеттес.
  • Орысша дубляж — Леонид Белозорович
• Питер Сарсгаард — Гил Колсон: Готэмнің аудандық прокуроры, Сарсгаардтың пікірінше ол өтірікші әрі жағымсыз адам.
  • Орысша дубляж — Валерий Сторожик
• Энди Серкис — Альфред Пенниуорт: Брюстің қамқоршысы және тәлімгері, бірақ онымен қарым-қатынасы шиеленісіп, сирек араласады. Паттинсон Альфредті Бэтменнің жалғыз сенімді адамы деп сипаттады, бірақ ол «оны ақылынан адасып кетті» деп санайды. Алдыңғы киноинкарнациялардан айырмашылығы, Альфредтің әскери білімі бар, бұл оның «ережелер мен ережелерді сақтау әдетінен», сондай-ақ киімі мен тәртібінен көрінеді. Альфредтің соғыс ардагері екенін көрсету үшін Ривз оған таяқ, ал Серкис бетіндегі тыртықтарды беруді ұсынды. Серкис Альфредтің «барлау офицері болғанын, кейінірек Wayne Enterprises-те күзетші болып жұмыс істегенін» айтты; оның тарихы оның Брюске қажет әкесінен гөрі «тәлімгер және ұстаз» болуына әкелді. Ривз Альфред тәжірибесіз болса да Брюстің ата-анасын ауыстыруға мәжбүр болғанын атап өтті.
  • Орысша дубляж — Денис Некрасов
• Колин Фаррелл — Освальд «Оз» Кобблпот / Пингвин: Фальконенің басты көмекшісі, Селина жұмыс істейтін «Айсберг Лаундж» түнгі клубының иесі. Ол әлі комикстағы Пингвин болған жоқ, онымен қоса өзін Пингвин деп атағанын ұнатпайды. Ривздің айтуынша Пингвин таланты бар орта деңгейлі гангстер. Ривз Пингвинді «Өкіл әке» фильміндегі Фредо Корлеонемен салыстырды.
  • Орысша дубляж — Станислав Стрелков

Марапаттар мен номинациялар

Сыйлық	Берілген мерзімі	Санаты	Номинант	Нәтиже	Ист.
Алтын трейлер	22 шілде 2021	Үздік тизер	Statement Advertising	Номинация
		Фильм атауының үздік дизайны	Devastudios, Inc.	Номинация
		Үздік дыбыс монтажы	Statement Advertising	Номинация
MTV Movie & TV Awards	MTV Movie & TV Awards 2022|5 маусым 2022	Жыл фильмі	«Бэтмен»	Номинация
		Үздік ер адам рөлі	Роберт Паттинсон	Номинация
		Үздік кинозұлым	Колин Фаррелл	Номинация
		Үздік сүйіс	Роберт Паттинсон мен Зои Кравиц	Номинация
Голливудтың сыншылар Ассоциациясы	5th Hollywood Critics Association Midseason Film Awards	Үздік фильм	«Бэтмен»	Номинация
		Үздік режиссёр	Мэтт Ривз	Номинация
		Үздік екінші пландағы актер	Колин Фаррелл	Номинация
			Пол Дано	Номинация
		Үздік екінші пландағы актриса	Зои Кравиц	Номинация
		Үздік сценарий	Мэтт Ривз және Питер Крэйг	Номинация
Сатурн	25 қазан 2022	Үздік суперқаһармандық фильм	«Бэтмен»	Номинация
		Үздік актёр	Роберт Паттинсон	Номинация
		Үздік актриса	Зои Кравиц	Номинация
		Үздік екінші пландағы актер	Пол Дано	Номинация
			Колин Фаррелл	Номинация
		Үздік режиссёр	Мэтт Ривз	Жеңіс
		Үздік сценарий	Мэтт Ривз, Питер Крэйг	Номинация
		Үздік музыка	Майкл Джаккино	Номинация
		Үздік монтаж	Уильям Хой, Тайлер Нельсон	Номинация
		Қоюшы суретшінің үздік жұмысы	Джеймс Чинланд	Номинация
		Костюмдердің үздік дизайны	Жаклин Дюрран, Дэвид Кроссмен, Глин Диллон	Жеңіс
		Үздік грим	Майк Марино, Наоми Донн	Номинация
Hollywood Music in Media Awards	13th Hollywood Music in Media Awards	Hollywood Music in Media Award фантастикалық фильмдегі үздік түпнұсқа саундтрек, Hollywood Music in Media Award for Best Origin	Майкл Джаккино	Күтілуде
People’s Choice Awards	48th People's Choice Awards	Жыл фильмі	«Бэтмен»	Күтілуде
		Жыл экшн фильмі		Күтілуде
		Жыл экшн фильмінің жұлдызы	Зои Кравиц	Күтілуде