Біз осында тұрамыз

Біз осында тұрамыз
Мы здесь живем
Жанры	көркем фильм
Режиссёрі	Шәкен Айманов
Сценарийдің авторы	Владимир Абызов, Михаил Блейман, Шахмет Құсайынов, Матвей Володарский
Басты рөлдерде	Константин Барташевич
Операторы	Марк Беркович
Композиторы	Александр Зацепин
Кинокомпания	Қазақфильм
Мемлекет	КСРО
Тілі	қазақ
Шыққан жылы	1956

«Біз осында тұрамыз» — толық метражды көркем фильм. 1956 ж. Алматы көркем және хроника фильмдер студиясы шығарған.

Сюжеті

1954 жыл. Партия орталық комитетінің шақыруымен Қазақстанның шалғай даласына бір топ жастар келеді. Қарт орманшы Бұланбай комсомолшыларды "Бұл жер адамдарды ешқашан көрмеген, соқаны білмеген жабайы жер!" - деп ескертеді. Бірақ тың игерушілерді қиындықтар қорқытпайды, олар өз жұмысына кіріседі. Күресті қатал табиғатпен ғана емес, кеңшар тресінің директоры Қуаныш Қорқытовтың оралымсыздығымен де жүргізуге тура келеді. Оның нұсқаулығына қарамастан "Комсомольский" кеңшарының басшысы Кудряш ауыр, бірақ аса келешекті жер алқаптарын өңдеуді таңдайды. Осы қиын күресте жас тың игерушілердің ұжымы нығаяды. Трест басшылығы мен Кудряш арасындағы ұрыста, обком секретарі Бейісов Кудряшты қолдайды. Қорқытов барлық жерде жеңіліске ұшырайды. Оны қызметінен босатады. Бұрынғы әйелі оған қайта оралудан бас тартады - ол кеңшар партұйымының секретарі Сафаровты сүйеді. Тіпті ата-анасы ұлын кінәраттайды. Көп ұзамай "Комсомольский" кеңшарына жаңа жас тың игерушілер тобы келді.

Рөлдерде

• Илья Кудряш — Константин Барташевич
• Сапаров — Шахан Мусин
• Дина Баймұхаметқызы — Зәмзәгүл Шәріпова
• Қуаныш Қорқытов — Ыдырыс Ноғайбаев
• Сайран — Сейфолла Телғараев
• Бейісов — Шәкен Айманов
• Халида Торғынова — Лидия Ашрапова
• Торғын — Сәбира Майқанова
• Сергей Савченко — Лев Фричинский
• Алексей Овсянников — Алексей Бахарь
• Ломакин — Виктор Гераскин
• Лена — Вера Петрова
• Сердюков — Евгений Попов
• Бұланбай — Әбен Мұхамедияров