Бірегейлендіру

Бірегейлендіру - [ ағылш. identification, лат. identificare - ұқсастыру, барабарландыру) - біреумен немесе бір нәрсемен ұқсастыру; жеке тұлғаның өзін басқа субъектілермен, топпен, бейнемен теңдестіруі. Әлеуметтендіру тетіктерінің бірі бола тұрып, бірегейлендіру субъектіге қандай да бір таңдау жасарда ол тек саналы түрде шешім қабылдап қана қоймай, сол мәдениеттің талаптарына қарай әлеуметтік бейнеге сай болуы қадағаланады, салаларға (жеке, жыныстық, ұлттық, таптық бірегейлену, топпен немесе жеке субъектімен теңдесуі және т.б. ) бөлініп, саналы түрде де, санасыз түрде жүзеге асырылады. Жаһандану дәстүрге сай қалыптасқан өзіндік субъективті сезінуге күмән туғызып, әсіресе, этникалық, діни, мәдени және өзге де аз топтарға қатысты бірегейленудің дәстүрлі түрлерін бұзады. Бірегейленудің негізгі нәтижесі жеке тұлғаның осы әлеуметтік топқа тән мінез-құлықтарды, стереотиптерді сіңіруі, игеруі, топтық ережелерді, ұстанымдарды, мақсаттарды, идеалдардың әлеуметтік рөлдерін өзінікі ретінде қабылдауы.^[1]