Валерий Николаевич Котович

Уикипедия — ашық энциклопедиясынан алынған мәлімет
Jump to navigation Jump to search

Валерий Николаевич Котович (1948 жылы 30 мамырда Оңтүстік Қазақстан облысы Түлкібас ауданы Келтемшат ауылында туған) - мемлекеттік қайраткер, Орыс.

Әкесі - Котович Николай Константинович (1924-1968), шахтер болып жұмыс істеген. Анасы - Котович Вера Павловна (1925-2000), мұғалім болып жұмыс істеген. Целиноград құрылыс-инженерлік институтын бітірген (1976), механик-инженер. КОКП мүшесі (1970 жылдан). «Нұр Отан» ХДП мүшесі (2000 жылдан). 1966 жылдың қыркүйек айынан - №2 Шымкент автобазасында автослесарь. 1967 жылдың маусым айынан 1969 жылдың мамыр айына дейін - Кеңес Әскерінің қатарында қызметте. 1969 жылдың шілде айынан - Целинный кен-химиялық комбинатының автослесарі. 1970 жылдың мамыр айынан - слесарь, 1974 жылдың наурыз айынан -Целиноград облысы Степногорск құрылыс басқармасының механигі. 1974 жылдың сәуір айынан - ұйымдастыру бөлімінің нұсқаушысы, 1977 жылдың ақпан айынан - жалпы бөлім меңгерушісі, 1981 жылдың мамыр айынан - Целиноград облысы Қазақстан Компартиясы Степногорск қалалық комитетінің ұйымдастыру бөлімінде меңгеруші. 1985 жылдың қараша айынан - №125 кәсіподақ топкомының төрағасы. Сол уақытта, 1995 жылдан - ҚР Өнеркәсіп және атом энергетикасы жұмысшылар кәсіподағы ОК төрағасының орынбасары. 1999 жылдың қазан айынан -ҚР Парламенті Мәжілісі 2-ші шақырылымының депутаты (№2 Ақмола облысы Ақкөл сайлау округі бойынша), Әлеуметтік-мәдени даму комитетінің мүшесі. 2004 жылдан - ҚР Парламенті Мәжілісі 3-ші шақырылымының депутаты (№8 Ақмола облысы Ақкөл сайлау округі бойынша), Әлеуметтік-мәдени даму комитетінің мүшесі. 2007 жылдан бері - «Нұр Отан» ХДП тізімі бойынша ҚР Парламенті Мәжілісі 4-ші шақырылымының депутаты, Экология мәселелері және табиғат пайдалану комитетінің хатшысы.

Степногорск қалалық кеңесінің (1976-1986), Степногорск қалалық мәслихатының (1994-1996) депутаты болған.

«Құрмет» (2004), ТМД ПА «Достастық» (2010) ордендерімен; «Үздік еңбегі үшін» (1974), «Қазақстан Парламентіне 10 жыл» (2006) медальдарымен марапатталған.

Үйленген. Жұбайы - Котович Валентина Николаевна (1947), зейнеткер. Ұлы - Константин (1970 ); қызы - Ольга (1974). Немерелері - Вячеслав, Николай, Екатерина, Лев, Роман.[1]

Дереккөздер[өңдеу]

  1. Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2