Вангари Маатаи
Вангари Маатаи (ағылш. Wangari Maathai; сәуірдің 1 1940 — қыркүйектің 25 2011[1]) — Кениялық биолог, қоғам қайраткері, 2004 жылғы Нобель бейбітшілік сыйлығының иегері.
Мамандығы бойынша биолог Вангари Маатаи қоршаған ортаны қорғау белсендісі әрі құқыққорғаушы ретінде жұртшылыққа танымал болды. Ол Африка құрлығын шөл далаға айналудан сақтап қалуға бағытталған ондаған миллион ағаш отырғызу науқанын басқарып, "Жасыл белдеу" қозғалысының негізін қалады. Кения парламентінің мүшесі болып сайланды.
2004 жылы Вангари Маатаи Африка әйелдерінің арасынан тұңғыш рет Нобель бейбітшілік сыйлығына ие болған еді. Ол қатерлі ісік дертімен ауырған. Кенияның астанасы Найроби қаласындағы ауруханада 71 жасында Вангари Маатаи қайтыс болды. [2]