Владимир Иванович Палладин
| Владимир Иванович Палладин | |
 | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері |
Петроград, Ресей КФСР |
| Альма-матер | |
Владимир Иванович Палладин (11 (23) шілде 1859 жыл, Мәскеу — 3 ақпан 1922 жыл, Петроград) — орыс ботанигі және биохимигі. Петербург ғылым академиясының академигі (1914; корр. мүшесі 1905). Мәскеу университетін бітірген (1883), К. А. Тимирязеятің шәкірті. Харьков университетінде (1889), Варшава университетінде (1897), Петербург университетінде профессор (1901—14).
Палладин - өсімдіктердің тыныс алуы (оксидаза және дегидрогеназалар жүйесі арқылы іске асатын ферментативтік процестер) теориясын жасаушылардың бірі. Тыныс алудың бірінші фазасында углеводтар мен судың анаэробты ыдырауын, сутек таситын және акцептор қызметін атқаратын хромогендердің тотықсыздануын, ал екінші фазасында хромогендерді ауадағы оттек тотықтырып тыныс алу пигменттеріне айналдыратынын анықтады. Өсімдікте фермент түзілуін зерттеді. Өсімдік физиологтары мен өсімдік биохимиктерінің (С. П. Костычев, А. А. Рихтер, Н. А. Максимов, Н. Н. Иванов, О. А. Вальтер, А. Н. Данилов т. б.) ірі мектебінің негізін салды. Палладин — жоғары оқу орындарына арналған өсімдіктер физиол., анатомиясы және өсімдіктер систематикасы, микробиологиясы, сондай-ақ орта мектеп оқулықтарының авторы.