Гимнокалициум
| Гимнокалициум | ||||||||
|---|---|---|---|---|---|---|---|---|
 | ||||||||
| Ғылыми топтастыруы | ||||||||
|
ГИМНОКАЛИЦИУМ (GYMNOCALYCIUM) – кірпігүлдер тұқымдасына жатады. Отаны Оңтүстік Америка. Боливия, Уругвай, Парагвай, Оңтүстік Бразилия мен Аргентинада 100-ден аса түрлері таралған. Табиғатта көлемі өте үлкен болғанымен, бізде үй жағдайында олардың көлемі 2,5 см-ден 30 см аралығында, түсі жасыл, барлығының пішіні шар тәрізді, бірақ шар пішінінің үстіндегі қырлары әртүрлі болып келеді. Көп түрлері 2-3 жылдан кейін-ақ гүлдей береді. Гүлдері сабақ басында орналасқан. Тікенекті өсімдіктен сондай керемет әдемі гүл шығатыны таңқалдырарлықтай. Түсі ақ, күлгін, сары және аралас түсті болып келеді. Гүлдеу мерзімі 10 күнге созылады. Барлық кірпігүлдер сияқты гимнокалициумның да күтімі жеңіл болғандықтан, үй жағдайында өсіру оңай. Бірақ әдемі гүлін көру үшін, қыс айларында демалыс беріп, суғаруды тоқтатып, құрғақ, жарық бірақ салқын жерге орналастыру қажет. Қазіргі кезде жасанды егу жолдарымен шығарылған Михановичтің гибридталған гимнокалициумдары қолданыста көбірек кездеседі. Бұл гимнокалициумдардың түсі сары, қызыл, қызыл-сары болып келеді.
Жарығы:[өңдеу | қайнарын өңдеу]
Жарық жерді ұнатады, тіке түскен күн сәулесіне шыдамды.
Жылуы:[өңдеу | қайнарын өңдеу]
Қыс айларында 8-10 °C салқындылық қажет, егер осы температуралық жағдай сақталмаса, гүлдемей қояды.
Суғарылуы:[өңдеу | қайнарын өңдеу]
Көктемде және жазда жиі суғарады. Күзден бастап суғаруды қысқартады. Қыс айларында мүлдем суғармайды.
Ылғалдылығы:[өңдеу | қайнарын өңдеу]
Ылғалдылықты қажет етпейді. құрғақ ауаға төзімді. Су бүркуді қажет етпейді. Дегенмен де тазарту мақсатында су бүркіп жапырақтарын жуып немесе дымқыл матамен сүртіп тұру қажет.
Қоректендірілуі:[өңдеу | қайнарын өңдеу]
Көктем, жаз айларында кірпігүлге арналған тыңайтқышпен қоректендіреді.
Аурулары:[өңдеу | қайнарын өңдеу]
Ауру мен зиянкестерге шалдыға бермейді. Дұрыс күтім жасалса мүлдем ауырмайды.
Көбейтілуі:[өңдеу | қайнарын өңдеу]
Оңай жолы жанама өскіндері арқылы көбейту, тұқымы арқылы да көбейтуге болады.
Сілтемелер[өңдеу | қайнарын өңдеу]
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер[өңдеу | қайнарын өңдеу]
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727