Джон Джонс

Уикипедия — ашық энциклопедиясынан алынған мәлімет
Jump to navigation Jump to search

Джонатан Дуайт «Джон» Джонс (ағылш. Jonathan Dwight Jones; 1987 жылы 19 шілдеде дүниеге келген, Рочестер, Нью-Йорк штаты, АҚШ) — ережесіз, аралас жекпе жектермен айналысатын америкалық спортшы, UFC-де жартылай ауыр салмақта өнер көрсетеді. UFC ережесіз жекпе жегінің бұрынғы чемпионы және UFC тарихындағы ең жас чемпион атанған. 2011 жылы 19 наурызда чемпион белбеуін жеңіп алған. Төрт жыл ішінде сегіз ұрыс бойы чемпион белбеуін нәтижелі қорғай алды, бірақ 2015 жылы сәуір айында жол апатының себепшісі болып, кейін болған жерден қашып кеткендіктен, UFC иелері одан чемпиондық белбеуін тартып алып, айыппұл ретінде белгілі бір уақытқа ережесіз жекпе жектен алыстатты. Кәсіби карьерасында тек бір рет жеңіліс тапқан. Бұл жеңіліс ережеге қарсы әдіс – шынтақпен ұруы себепті дисквалификация түрінде болған еді.