Дина Нұрпейісова ескерткіші
 | |
| Орналасуы |
Атырау қаласы |
|---|---|
| Жоба авторы |
сәулетші Қ. Жарылғапов, мүсінші Н. Дауылбай |
| Түрі |
монументтік өнер құрылысы |
| Құрылыс материалы |
қола |
| Биіктігі |
3 м |
Дина Нұрпейісова ескерткіші – Атырау облысының жергілікті маңызы бар тарих және мәдениет ескерткіштері тізіміне енген монументтік өнер құрылысы ескерткіші.
Орналасқан жері
[өңдеу | қайнарын өңдеу]Атырау қаласы, Қ. Сәтпаев даңғылы.
Кезеңі, авторы
[өңдеу | қайнарын өңдеу]2000 жыл, сәулетші Қ. Жарылғапов, мүсінші Н. Дауылбай.
Тарихи дерек, сипаты
[өңдеу | қайнарын өңдеу]Қазақтың атақты қызы Дина Нұрпейісованың (1861-1955 жж.) керемет ескерткіші – заманауи қазақстандық мүсін өнерінің ең керемет үлгілерінің бірі. Ұлы домбырашы-музыкант және күйшінің ескерткіші жаңа ұрпаққа өсиет секілді музыкалық колледждің алдында орнатылған.
Дина Нұрпейісова – қазақ композиторы, Құрманғазы Сағырбайұлының шәкірті, домбырашы, домбыраға арналған күйлердің авторы және Қазақ КСР-ның халық әртісі. Шебер орындау техникасын иеленген Дина Нұрпейісова композиторлық дарынының арқасында дәстүрлі сарынға жаңа өмір беріп, оны басқаша ойната білді.
Мүсінші Нұрлан Дауылбай және сәулетші Қазбек Жарылғапов гранит тұғырға қойылған 3 м-лі қола мүсінде қуатты шығармашылық дарын мен нәзік әйел бейнесін таңғаларлық үйлесіммен жеткізе білді. Дина Нұрпейісова домбырашыларға тән қалыпта қолына домбырасын ұстаған күйі отыр, оның бет-әлпеті қатаң, ал домбырасы тірі дененің жалғасы мен жанының бір бөлігі іспетті.[1]
Дереккөздер
[өңдеу | қайнарын өңдеу]- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9