Диспетчерлік қызметтің міндеттері мен мәнісі
Ауыл шаруашылығын интенсивтендіру кезінде оперативтік-өндірістік хабарлардың тасқыны айтарлықтай өсті. Басшылар мен мамандар қажетті әртүрлі мәліметтерді жинауға және зерттеуге көптеген уақытын жоғалтуға мәжбүр болады. Бұл негізгі жұмыстарды орындаудан олардың көңілін бөліп, жұмыс тиімділігін төмеңдетеді. Қызметкерлердің жұмыс өнімділігін және жұмыстың түпкі нәтижесін арттыру үшін шаруашылық диспетчерлік қызметті қолданады. Бірқатар ғылыми мекемелердің мәліметі бойынша диспетчерлік қызметті енгізу, еңбек өнімділігін 12-15 процент арттыруға көмектеседі: оны ұйымдастыруға шығарған шығын 1-2 жыл ішінде қайтарылады. Диспетчерлік қызметтің басты міндеті, шаруашылықтың барлық өндірістік обьектілердегі жұмыстардың белгіленген мерзім ішінде жоғары өнімділікпен, сапалылықпен және үнімділікпен орындалуына, жұмысшы күшінің және жабдықтардың, техникалрдың босқа тұруын алдын-ала ескертуді, жоғары оперативтілігін қамтамасыз ету, ал бола қалған жағдайда қажетті көмекті көрсету жолымен оларды тез жойып, өңдірістің бағытын бақылау болып табылады. Сонымен бірге өндірістік процестің және барлық өндіріс учаскелерінде негізгі техникалық-экономикалық жоспарлы көрсеткіштердің орындалу барысы туралы нақты және толық хабарды әкімшілік-басқару аппараты мен өндірістік қызмет көрсету қызметкерлеріне үнемі беріп отыру болып табылады.
Дереккөздер[өңдеу | қайнарын өңдеу]
Машина-трактор паркін пайдалануда ұйымдастыру және жұмыс жүргізу технологиясы: селолық орта кәсіптік-техникалық училищелерге арналған оқу құралы.Мухин А.А.