Диффенбахия

Уикипедия — ашық энциклопедиясынан алынған мәлімет
Jump to navigation Jump to search
Диффенбахия
Dieffenbachia bowmannii
Dieffenbachia bowmannii
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
Сабы: Alismatales
Тұқымдасы: Araceae
Кіші тұқымдасы: Aroideae
Тайпасы: Dieffenbachieae
Тегі: Dieffenbachia
Schott
түрлері

56 түрі белгілі

Диффенбахия (лат. Dieffenbachia) – шаяноттар тұқымдасының 113 тегінің бірі. Өсімдік тегінің атауы атақты австриялық ботаник Йозеф Диффенбахтың құрметіне қойылған. Отаны – Оңтүстік Америка.

Биологиялық сипаттамасы[өңдеу]

Мәңгіжасыл, әдемі жапырақты өсімдік. Диффенбахияның 52 түрі белгілі. Барлық түрлерінің жапырақтары үлкен, жалпақ, ерекше әдемі боп келеді. Түрлеріне қарай ұзындығы 35-70 см, ені 10-16 см көлемінде болады. Үй жағдайында гүлдемейді.

Шырыны улы. Сондықтан онымен жұмыс жасағанда қолыңызға арнайы қолғап кигеніңіз дұрыс. Диффенбахия үш жылда биік болып өсіп, астыңғы жапырақтарын түсіріп, өз көркін жоғалта бастайды. Сондықтан аталған уақыттан кейін оның үстіңгі сабағын кесіп тамырландырып, өсімдікті жаңартқан абзал.

Күтімі[өңдеу]

  • Жарығы: Жазда алакөлеңкелі жерде, қыста жарық жерде тұру керек.
  • Жылуы: Жел өтіне шыдамсыз. Температура 18ºC- тан төмен болмауы керек.
  • Суғарылуы: Көктем мен жазда молынан жиі, қыста сирек суғарады.
  • Ылғалдылығы: Жапырақтарын жиі жуып, су бүркіп тұру қажет. Ылғалдылық жетіспеген жағдайда жапырақтарының ұшы сарғайып, жиырылып қалады.
  • Қоректендірілуі: Мамыр мен тамыз айларының аралығында арнайы тыңайтқышпен қоректендіру қажет, қыста қоректендірілмейді.
  • Аурулары: Ауа температурасы күрт өзгеріп, тұрақты болмаған жағдайда, жапырақтары түсіп қалады.
  • Көбейтілуі: Қалемше арқылы тамырландырып көбейтеді.

Түрлері[өңдеу]

Dieffenbachia sp.

Диффенбахияның 52 түрі белгілі[1].

Бақшада өсірілетін түрлері:


Сілтемелер[өңдеу]

Ортаққорда бұған қатысты медиа файлдар бар: :Dieffenbachia

Дереккөздер[өңдеу]

  1. Полный список видов на сайте GRIN
  • "Гүлстан" республикалық ғылыми-танмыдық, көпшілік журнал, 2010 жыл ISSN 2078-6727