Долкун Ясенов

Уикипедия — ашық энциклопедиясынан алынған мәлімет
Jump to navigation Jump to search

Долкун Ясенов(1938 жылы туған, Шығыс Түркістан, Сүйдін қаласы) - ақын. Ташкенттегі Орта Азия мемлекеттік университетін бітірген (1961). 1961 жылы Шығыс Түркістанға оралған соң, ШҰАР Жазушылар одағының "Тарым" журналында бөлім меңгерушісі болып жұмыс істеген. 1963 - 1968 жылдары "Ревизионист" ретінде Құмыл облысының Карамучка селосында айдауда болады. 1968 жылы Отанын тастап, жасырын түрде Қазақстанға қоныс аударған. Алматыда "Коммунизм туғи" (қазіргі "Уйғур авази") газетінің редакциясында аға әдеби қызметкер, бөлім меңгерушісі қызметін атқарған. 1999 жылдан "Йеңи һаят" тәуелсіз газетінің бас редакторы.

Шығармашылығы[өңдеу]

"Гүлнардың досы" (1971), "Тастағы гүл" (1973), "Соқпақтар" (1976), "Өмір қоңыраулары" (1979), "Жер әуені" (Зов земли) (1982), "Туған жердің мейірі" (1986), "Жиектер" ("Горизонты", 1988) кітаптарының авторы. "Саадат", "Кәріз туралы повесть", "Соңғы сәтте", "Абдулла Розыбакиев", "Үнсіз өлім", "Сиқырла аса", "Отан және жыр", "Туған жер қадірі", "Шөлдеу", "Керуен жолы", т.б. шығармалар жазған. Өлеңдері өзбек тілінде ("Отанға махаббат"), Қарақалпақ тілінде ("Өмір қоңырауы") жеке кітап болып шыққан және қазақ, орыс, украин, түрік, авар тілдеріне аударылған. Абайдың таңдамалы өлеңдерін үйғыр тіліне аударып, "Көзімнің қарасы" деген атпен жеке кітап етіп шығарған (1972). О.Сүлейменов, Ж.Молдағалиев, М.Шахановтың және басқа қазақ ақындарының, сонымен бірге Пушкиннің, Лермонтовтың, Твардовскийдің Р.Ғамзатовтың, Қ.Кулиевтің, С.Шипашевтің, Э.Вахидовтың, А.Ариповтың өлеңдерін ұйғыр тіліне аударған.[1]

Дереккөздер[өңдеу]

  1. Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6